2024-06-25
HomeZerbitzu PublikoakOsasungintzaOsakidetzak azken sektore mahaietan eskainitako negoziazioa ezerezean gelditu da

Osakidetzak azken sektore mahaietan eskainitako negoziazioa ezerezean gelditu da

LABek Osakidetzari dei egiten dio ahalik eta azkarren Sektore Mahaia konbokatzeko, pendientea dugun negoziazio prozesuarekin hasteko. Jendarteak merezi duen kalitatezko osasuna emannahibadugu, langileok lan baldintza duinak izan behar ditugu.

Osakidetzak aurreko ikasturteko Sektore Mahaietan (martxoaren 23an, ekainaren 5ean eta ekainaren 23an) honako puntu hauek mahaigaineratu zituen, bertan parte hartzen dugun sindikatuokin akordio batetara ailegatzeko:

1.- 2017ko EPE programazioa (2016ko EPEarekin batera burutuko dena).
2.- 2018ko EPErako plaza kopuru eta kategorien negoziazioa.
3.- Kontratazio zerrendetako irizpideak finkatu.
4.- 2017 urterako Lekualdatze Lehiaketa eta 2018tik aurrera irekia eta iraunkorra izan behar den lekualdatze lehiaketa sistema berriaren prestaketa.
5.- 2007-2008 eta 2009ko Akordioa ordezkatu behar zuen Lan baldintzen Akordio berriaren aurrerepen moduan, Lizentzia eta Baimenen atala negoziatu.
6.- ESIen Estruktura Dekretua onartu.
7.- Osakidetzan ematen diren Pribatizazioak.
8.- Hainbat Batzordekin lan egin (Lan Osasuna, Euskara, Berdintasuna)
9.- Lana kalitatearen hobekuntza plana indarrean jarri.
10.- Aldizkako kontrataziorako Akordio berria.
11. Hautaketa eta hornikuntza Dekretua.
12.- Lanpostu funtzionalen Dekretua.

Urrian gaude eta esan dezakegu puntu guzti hauetatik Osakidetzak ez duela bete ezta %10a.

Gogoratu behar da ekainaren 23ko Sektore Mahaian, Osakidetzak presa handia zuela akordio batera iristeko eta azkenean SATSEk, SMEk eta UGTk bi puntu hauek sinatu zituzten: 2017ko EPEa eta 2017ko Lekualdatze Lehiaketa. LABek bere momentuan eskaintza eznahikoa zela adierazi zuen.

Osakidetzaren hitzetan, gelditzen ziren gainontzeko puntuak hurrengo Sektore Mahaietan negoziatuko genituzke, baina gaur da eguna oraindik ez gaituztela deitu.

Hau dela eta LABek salatu nahi du Osakidetzak adierazten duen arduragabekeria eta seriotasun falta. Negoziatzeko pendiente dauden puntu guztiak garrantzitsuak dira, baina LABek onartezina jotzen du 2009tik Lan baldintzen Akordio berririk gabe egoteak. Osakidetzan lan egiten dugun langileok ezin dugu hitzarmenik gabe egon. Lizentziak eta baimenez gain, langileok gizarte eskubideez, gure jardunaldi eta atsedenaldiaz, gure eskubideaz, gure euskalduntzeaz, gure segurtasun eta osasunaz, gure soldataz… negoziatu nahi dugu. 2009ko Lan baldintzen akordioak ez digu balio, zaharkituta gelditu baita. Gure eskubidea da Hitzarmen gaurkotua izatea.

Langileok kontutan izan behar dugu Hitzarmena izatea gure lan baldintzak hobetzeko eta gure eskubideak defendatzeko tresna garrantzitsua dela. Enpresa guztiak beraien hitzarmen propioa izateko borrokatzen ari dira, bada garaia guk ere berdina egiteko.

LABek Osakidetzari gogora arazten dio soldataren %1a igotzea ez dela nahikoa, langileok honekin ez baitugu galdu dugun erosahalmena berreskuratulo; gaixorik egoteagatik ez dugu penalizaziorik nahi; lan zamak arintzeko ordezkapenak lehenego egunetik nahi ditugu; jubilatzeko adina aurreratzeko plan bat nahi dugu…
 

 

 

AZKEN ALBISTEAK | ÚLTIMAS NOTICIAS

Espainiar Estatuko langile publikoentzako soldata igoera inposatua da eta erosahalmenaren galeran sakontzen du Hego Euskal Herriko langileentzat

LABen ez dugu ontzat ematen bihar Espainiako Gobernuko Ministro Kontseiluak Estatu osoko langile publikoentzako (*) onartuko duen %2ko igoera gehi %0.5eko baldintzatutako gehigarria.

Zumarragako posta zerbitzuaren egoera onartezina da

Plantillari dagokionez, lanpostu huts ugari daude; adibide gisa, goizeko txandako langileen egoera; izan ere, egun batzuetan 5 pertsona baino ez daude bete beharreko 13 lanpostutarako, hau da, % 62 ez da betetzen. Zoritxarrez, egoera hori oso ohikoa da lantoki honetan. Plantillak hainbat elkarretaratze egin ditu langile-falta salatzeko, baina arazoa ez da hobetzen hauteskunde-aldiaren ondoren, eta enpresak ez du inolako asmorik kontrataziorik egiteko. Uztailaren 7an oporraldian sartuko gara eta oporretara joango diren langileak inork ez dituela ordezkatuko aurreikusten da.

Nafarroako Zurgintzako hitzarmena sinatu dugu, eskubideetan aurrerapenak baititu eta erosteko ahalmenari eusten baitio

Gaur goizean LAB sindikatuak Zurgintza sektoreko Nafarroako hitzarmena sinatu du, 2023 eta 2025 urte bitarteko indarraldia izanen duena. Hitzarmen honek eskubideak handituko ditue eta langileen erosteko ahalmenari eutsiko dio; nahiz eta negoziazioak iraun bitartean patronala behin eta berriz saiatu den lan baldintzak okerragotzen praktiketako kontratuen soldatak txarragotzeko edo soldata igoera KPItik aldentzeko bezalako neurriekin.