LAB sindikatuak bertan behera utzi du gaurko Villatuertako New Collagena enpresan deitua zuen greba mugagabea, iragan astelehenean hasi baitziren lan baldintzak hobetuko dituen Enpresa Akordio bat erdiesteko negoziazioak. Negoziazio horietan aurrerapausoak eman dira kontziliazio familiarraren inguruko zenbait alderditan; baina diru kontuei dagokienez, bi aldeetako jarrerak hagitz aldenduak daude oraindik.
LABek pixka batean gibelatu du greba, baina eusten dio hala ere. Beraz, azaroaren 15eko 14:00etan hiru eguneko greba hasiko da, azaroaren 18ko 14:00etatik aurrera greba mugagabe bilakatuko dena. Hori baino lehenago akordiorik lortzen ez bada, noski.
LABek adierazi nahi du ez diola langileen eskaera justuen aldeko babesa emateari utziko eta azken unera arte negoziatzen jarraituko duela akordio on bat erdieste aldera. Eta hala ez balitz, ortziralean han egonen gara: kalean, aurpegia ematen.