LABek Negarra enpresako zuzendaritzak bertako langileei egiten ari zaien xantaia salatzen du, soldatak %40 jaistea planteatu baitie. Proposamena kaleratze kopurua jaistea soldata beherapena onartzen duten langileen araberakoa izatean datza.
Joan den urtarrilaren 30ean Negarrako 30 langilerentzat enplegu etete EEEa aurkeztu zuen enpresak. Kontsulta epe bete-betean, espedientea bertan behera uzteko aukera jarri du mahai gainean zuzendaritzak, baina langileei soldatak %40 jaistearekin baldintzatuta, alegia, proposatu du kaleratze kopurua jaistea soldata beherapena onartzen duten langileen arabera.
Zuzendaritzak egindako planteamenduaren seriotasun falta eta zitalkeria salatu nahi dugu LAB sindikatutik eta exijitzen dugu negoziazioak gisa honetako xantaia eta presiorik gabe egin behar direla. Hala, EEEa erretiratzea eta benetako elkarrizketak hastea eskatzen dugu, enplegu galerarik eta langileen eskubideen murrizketarik ekarriko ez duten akordioak erdiesteko helburuz.
