2023-12-02
HomeZerbitzu PribatuakSalgaien GarraioaNanuk enpresako langileek lan erreformatik babesten duen akordioa lortu dute 63 eguneko...

Nanuk enpresako langileek lan erreformatik babesten duen akordioa lortu dute 63 eguneko grebaren ostean

Enpresarekin lan erreformatik babesten duen hitzarmena sinatzeko akordio batera iritsi ostean, Nanukeko langileek 63 egun iraun duen greba bertan behera utzi dutela jakinarazi dute. Kaleratutako langilearen berronarpenari dagokionez, Nanukeko langileek grebalarien borrokaren bidez hirugarren enpresa batean sartzea lortu dela adierazi dute. Sarrera

NANUKeko langileen irakurketa

Greban egon garen Nanukeko langileok 63 greba egun eta gero akordio batetara heldu eta greba bertan behera utzi dugula jakinarazi nahi dugu.
Akordio hauek Nanukeko grebalarion borroka gogorraren fruitua dira.

Erreformatik babesten gaituen hitzarmena lortu dugu, hitzarmen honek erreformaren kontrako klausulak ditu.

Kaleratutako Xabier Gallastegiren berronarpenari dagokionez, grebaren alde azaltzeagatik kaleratua, hirugarren enpresa baten sartzea lortu dugu baldintza duinetan, zoritxarrez ez da enpresaren ekimen baten ondorioz lortutako gauza bat, grebalarion borrokaren bidez lortutako zerbait baizik.

Oso gogorrak egin zaizkigun 9 aste izan dira pasatako hauek, baina akordio honek, etorkizunean aldeen harremanak hobetzeko balioko duela uste dugu. Borrokarekin edozer gauza lortu daitekeela gaineratzea besterik ez zaigu geratzen, herri honetako langileok berriz ere lortu dugu hau demostratzea.

Lortutakoa ez litzateke posible izango Elorrioko herriak eman digun indarra eta bultzadagatik izan ez balitz.

Eskerrak eman nahi dizkiegu ere, gure alde eman diren ekintza ezberdinetan parte hartu duten langile guztiei.

Une hain gogorretan maila eman duten senide guztiei esker beroenak azkenik, bidezkoa zen borroka honetan eman diguten beharrezko indarra eman izangaitik, benetan, eskerrik asko.

Eskerrik asko guztioi !!
Gora langileon borroka!!

 

 

LAB sarean
{module[111]}

       

AZKEN ALBISTEAK | ƚLTIMAS NOTICIAS

Prozesu historiko baten emaitza izan den atzoko egunaren arrakastaren ondoren, erantzukizunen ordua heldu da: zaintza sistema publikoa, orain!

Atzoko Greba Feminista Orokorraren ondoren, agerraldi bana egin dugu Gasteizen (EAEko Lehendakaritzan) eta IruƱean (Nafarroako Gobernuan), atzoko egunaren balorazioa egin eta hemendik aurrerako bidearen berri emateko. Zaintzaren inguruko Herri Akordioa lantzeko bidean, bilera bana eskatu diegu Hego Euskal Herriko instituzio nagusiei.

GREBA FEMINISTA OROKORRA HERRIZ-HERRI

Greba Feminista Orokorrean egindako ekimen ezberdinen argazki galeria herriz-herri.

Zaintzaren iraultza martxan da

ā€œZorionak Euskal Herria!ā€ hitz horiexekin hasi dute mugimendu feministako ordezkariek hainbat eta hainbat hiri eta herritan arratsaldean egin diren mobilizazioen osteko manifestua. Goizean goizetik jo eta sua aritu dira milaka grebalari lurralde osoan barrena, zaintza sistema publiko komunitarioa aldarri eta kaleak astintzen. Oraindik amaitu ez den prozesu baten mugarri historikoa izan da gaurkoa.