Nafarroako ikastoletako langile eta delegatuek elkarretaratzea eginen dute bihar arratsaldeko 19:00etan Nafarroako Jauregiaren aitzinean Nafarroako Gobernuari eskatzeko ikastolekin hirugarren hezkuntza sarea osa dezan, ikastolek euskararen normalizazioari eginiko ekarpena eta gaur egun duten izaera bereizia kontuan hartuta.
Hirugarren sarea lortzeak lagunduko luke langileen egonkortasuna lortzen eta hezkuntza sistema propioa sendotzen. Nafarroako ikastoletan 700 langile inguru aritzen dira.