LABek berriro egin du elkarretaratzea, Nafarroako Jauregiaren aitzinean, kolektibo askok betetzen duten egiazko lan maila onetsi dakiela, eta betetzen duten eginkizunen baitan ordain dakiela eskatuz.
Pertsona askok maila handiagoko lanak betetzen dituzte, baina ez onartzeaz gain, ez zaie ordaintzen ere. Administrari laguntzaileez, zaindariez, mandatariez, suhiltzaile laguntzaileez, zerbitzu orokorretako langileez, mantentze lanetako laguntzaileez, gidariez, telefonariez, erizaintza laguntzaileez… ari gara.
LABek eutsiko dio kolektibo hauen eta bertze batzuen maila igoera eskatzeari, horren bidegabea den egoera hau behin-betikoz deusezta dezagun arte.