2023-12-01
HomeZerbitzu PublikoakOsasungintzaMurrizketak salatu dituzte hainbat eragilek Tolosan

Murrizketak salatu dituzte hainbat eragilek Tolosan

"Asuncion klinika"k antolatuta mintegi bat burutu da gaur Tolosako Topic-en. Bertan, Eusko Jaurlaritzako Osasun Kontseilaria den Jon Darponek parte hartu behar zuela zegoen iragarrita, nahiz eta ez den azaldu. Darponek zuzentzen duen sailetik osasungintzan ematen ari diren murrizketak salatzeko 200 pertsona inguru elkartu dira.

Aldarrikapen desberdinak uztartuz (Asunción Klinikako langileen egoera, osasun publikoa, kopago sanitarioa, Bizkaiko Anbulantzietako gatazka…) eragile sozial ezberdinak izan dira bertan: Invizako enpresa batzordea, Anbulantzietako langilea, Tolosaldea Osasun Publikoaren Alde, Gipuzkoako Jubilatu eta pentsionistak, LAB sindikatua, Duintasuna Elkartea, Donostiako Ospitaleko Langile Asanblada eta eskualdeko alkate eta zinegotziak.

Mobilizaziora elkartu direnen artean mezu ezberdinak entzun ahal izan dira, "osasuna ez da negozioa" eta "klinika publikoa" besteak beste.

Jon Darpon Osasun Kontseilariaren ordez Rafa Iribarren Gipuzkoako Lurralde Ordezkaria joan da mintegira.
 

LAB sarean
{module[111]}

AZKEN ALBISTEAK | ĂšLTIMAS NOTICIAS

Prozesu historiko baten emaitza izan den atzoko egunaren arrakastaren ondoren, erantzukizunen ordua heldu da: zaintza sistema publikoa, orain!

Atzoko Greba Feminista Orokorraren ondoren, agerraldi bana egin dugu Gasteizen (EAEko Lehendakaritzan) eta Iruñean (Nafarroako Gobernuan), atzoko egunaren balorazioa egin eta hemendik aurrerako bidearen berri emateko. Zaintzaren inguruko Herri Akordioa lantzeko bidean, bilera bana eskatu diegu Hego Euskal Herriko instituzio nagusiei.

GREBA FEMINISTA OROKORRA HERRIZ-HERRI

Greba Feminista Orokorrean egindako ekimen ezberdinen argazki galeria herriz-herri.

Zaintzaren iraultza martxan da

“Zorionak Euskal Herria!” hitz horiexekin hasi dute mugimendu feministako ordezkariek hainbat eta hainbat hiri eta herritan arratsaldean egin diren mobilizazioen osteko manifestua. Goizean goizetik jo eta sua aritu dira milaka grebalari lurralde osoan barrena, zaintza sistema publiko komunitarioa aldarri eta kaleak astintzen. Oraindik amaitu ez den prozesu baten mugarri historikoa izan da gaurkoa.