2024-06-15
HomeErrepresioaMozal legearen aurkako mobilizazioak Euskal Herrian

Mozal legearen aurkako mobilizazioak Euskal Herrian

Gaur Mozal Legea indarrean ezarri da. Eragile ezberdinek deituta atzo eta gaur mobilizazioa ezberdinak burutu dira Espainiako Parlamentuak dagoeneko onartu duen Herritarren Segurtasunerako Lege Organikoa salatzeko. 

LABek irmotasunez eta argitasunez arbuiatu nahi du Herritarren Segurtasunerako Lege Organikoa, Mozal Legea izenez ezagutzen duguna, nahiz Zigor Kodearen erreforma. PPk ezarri duen lege berriak eskubide zibilak, sozialak eta oinarrizko askatasunak mugatuko ditu; era berean, hiritargo oro erreprimitzeko modu berria eta gizarte zibil ororen aurkako erasoa ekarriko du berekin.

Alderdi Popularraren gehiengo osoari esker, urgentzia tramite bidez, Espainiako Parlamentuak dagoeneko onartu duen Herritarren Segurtasunerako Lege Organiko berri honek hiritarren oinarrizko askatasunei eraso egin nahi die. Legea zuzenarazi behar da, aurre egin behar zaio, Euskal Herrian ezarriko ez denaren konpromiso argia eta garbia lotu behar da.

PPren gobernuak egin dituen azken astinaldiekin eskubideak desagerrarazi eta murriztu nahi ditu, banakako eta taldeko askatasunak ito nahi ditu, legearen mehatxuaz, alor guztietan, lanekoan nahiz gizartegintzan, hiritarrek jasan ohi dituzten erasoen aurka jardun eta protestatu nahi dutenak isilarazi nahi dituzte. Etsitzen ez direnen eta eskubide guztien alde eta askatasun beraren alde dihardutenekin bat ez datorren ahots erantzunkorra deuseztatu nahi dute.

Mozal Legea lan erreformaren osagarria da, non haren bidez, patronalaren erabateko boterea ezarri nahi duten, beti ere, langileen lan baldintzen lepotik. Negoziazio kolektiborako eskubiderik gabe, oraingo honetan, patronalen erasoen eta gizarte-eskubide murrizketen aurka gauza litekeen erantzun oro isilarazi nahi dute, elkartzeko eskubidea, manifestatzekoa, grebakoa, adierazpen eskubidea ukatuz, sare sozialen bidez egindakoak ere.

Nagusi den ordena neoliberalak zalantzan jar lezakeen guztia zigortuko eta erreprimituko du: arau-hauste motak eta zigorren munta izugarri handitzen dira, egungo isunak garestituz, kartzela-zigorrak gogortuz, etengabeko espetxeratzea ahalbidetuz edota estradizioa are gehiago erraztuz… Honek guztiak Giza-Eskubideen urraketa argia eta nabarmena dakar.

Rajoyren Alderdi Popularrak, isilduko ez garenok, langileak eta hiritarrak izanik, dagozkigun Giza-Eskubideak, Gizartearenak eta eskubide Politikoak babesten iraungo dugunok gaizkile bilakatu nahi gaitu. Ez gaituzte isilaraziko honen antzeko Lege ez-demokratikoekin mehatxuka iraungo balute ere. LABek hiritar guztiak deitzen ditu, eta batez ere, langileria, mehatxuekin kikildu ez daitezen eta langileak, hiritarrak eta Herria izanik, dagozkigun eskubide guztiak babes ditzagun aurrerantzean ere, nahiz eta PP-k eta haren legeek gu isilarazten saiatu.
 


 

 

AZKEN ALBISTEAK | ÚLTIMAS NOTICIAS

Udal administrazioan euskararen normalizazioa mugatu nahi duen azken epaia gogor salatzen dugu

Euskal administrazioa euskalduntzeko prozesuaren aurka pairatzen ari garen oldarraldiaren baitan beste epai baten berri jaso dugu. Kasu honetan, Bilboko Administrazioarekiko Auzien Epaitegiaren eskutik etorri da; izan ere, Galdakaoko Udaleko Gizarteratzeko eta Laneratzeko Teknikari lanpostu bat egonkortzeko prozesuan 3. hizkuntza-eskakizuna ezartzea atzera bota du.

GUITRANSek Gipuzkoako errepide bidezko salgaien garraioaren hitzarmenaren negoziazioa blokeatuz gero, errepideak blokeatzeko deialdia egingo dugu

Gaur eratu dugu LAB, ELA, CCOO eta UGT sindikatuOk eta GUITRANS patronalak Gipuzkoako errepide bidezko salgaien garraioaren hitzarmenaren negoziazio mahaia. 2024 urtea hastearekin batera ekin genion sindikatuok hitzarmen berri baten negoziazio bideari. Izan ere, 2009ko abenduaren 31az geroztik hitzarmenik gabe dago sektorea eta lan-baldintza zeharo desarautuetan ari dira 6.000 langiletik gora.

Europako epaiak langileoi enplegu publikoa egonkortzeko borrokan beste tresna bat ematen digu

EBJA Europar Batasuneko Justizia Auzitegiaren sententziak argi uzten du administrazioek hartutako neurriek ez dutela behin-behinekotasunaren arazoa konpontzen eta neurri eraginkorragoak eskatzen ditu.