LAB eta ELA sindikatuok Gasteizeko epaitegi batek, uztailaren 11an, eman zuen epai bati buruzko iritzia ezagutarazi nahi dugu, non Amurrioko Tubos Reunidos enpresan lan egiten duten 33 langileren kontratuak etetea BIDEGABETZAT jotzen duen.

Lan Erreforma onartu zenetik enpresei erabateko gaitasuna eman zaie haien erabakiak ezar daitezen. Horren adierazgarri, edozein argudio eta EREak erabili ohi dira langileen baldintzak ahalik eta gehien kaskartzeko. Enpresek aipatu baliabideak erabiltzen ditu, enpresa jasaten ari den egoera zaila gainditzeko baino, langileen erabateko malgutasuna lortzeko eta mozkinak ahalik eta handienak izan daitezen. Hori guztia euren erabakiz egiten dute, langileen ordezkaritzarekin inolako itunik lortu behar izan gabe. Horixe izan da, hain zuzen, Montajes Metálicos Jaureguin gertatu dena. Aldi Baterako Enplegu-espedientea 33 langileri eta lanaldiaren %100ari ezartzeko helburuan, lan-zama egonkor dagoela, kontratazio berriak egiten ari dira eta asteburutan lan egiten da.

Jaureguin ezarri Aldi Baterako Enplegu-espedientea zuritu nahi zuten Tubos Reunidos de Amurriok lanaldiaren %48rako aurkeztutakoarekin (bigarren horri ere auzia jarri zaio eta ebazpen judizialaren zain dago). Enpresa handi horren egoera azpikontratarenaren ber-bera da, hots, ia erabili ez den espedientea aurkeztu da, aparteko orduak egin dira eta kontratazioak lotu dira. Abuztuan, oporrengatik ixten bada ere, aurten lan egiteko boluntarioak eskatu dira. Egoerak ia berdin-berdinak izanik, ebazpenak ber-bera izan beharko luke ere. Hala ere, susmoa dugu enpresa honen botereak eta eraginak langileen arrazoia eta eskubidea baino eragin handiagoa izango dutela.

Litekeena da Montajes Jauregui enpresaren nagusikeria beste lantokietan egin dituzten antzeko negoziazioetan oinarritzea. Beren buruak “negoziatzailetzat” dituzten sindikatu horiek onartzen dute enpresek honelako eta bestelako erabateko malgutasun moduak, txarrean onena bezala adieraziz.

Amaitzeko, LAB. eta ELA. sindikatuok ez deritzagu frogatutzat eta ez genuke ulertuko, sententzia irmoa eta zorrotza izanik, Montajes Metálicos Jauregui enpresak errekurrituko balu, ez eta Aldi Baterako Enplegu-espediente berria aurkezteko aukera adieraziko balu ere. Hortaz, espero dugu zuhurtasuna nagusituz enpresaren langileen egoerak, lanaren ohikotasunak bere horretan iraun dezala, eta ez dadila hura aldatzeko asmorik izan.