2024-02-24
HomeOharrakZerbitzu PribatuakMobilizazioak Indusal-eko kaleratzeen aurrean

Mobilizazioak Indusal-eko kaleratzeen aurrean

Indusaleko langileak gara eta gaur konbokatu zaituztegu enpresa honetan ematen ari den egoera azaltzeko eta aldi berean argi uzteko, orain dela lau urte bezala, ez garela ixilik geratuko. Nahiz eta azken erreformak enpresari ematen dion azken hitza, guk gure bertsioa emateko aukera guztiak bilatuko eta erabiliko ditugu.
Gaur, datozen egunetan gertatuko den bezala, ezin izango gara kaltetutako langile guztiak egon, printzipioz, apirilaren 24 arte Arrigorriagako lantegian lanean jarraitzen dugulako.

Hasteko, azaldu nahi dugu 2008an Indusalen zegoen egoerak hilabete eta erdiko grebara bultzatu gintuela. Langileok jasaten genuen sexuagatiko diskriminazioa arinduko lukeen hitzarmena exijitzeko egin zen greba. Emakumeok gizonezkoek baino 300 euro gutxiago kobratzen genuen; gizonek soilik izaten zituzten larunbatak libre; diskriminazioa lanpostua eskuratzerako orduan, etab.

Gatazka hitzarmenaren sinadurarekin amaitu zen. Honek, modu mugatuan prekarietatea txikitzen zuen eta neurri batean, generoaren arabera diskriminazioa konpondu. Garaipen handia izan zen guretzat hitzarmen hori sinatzea, enpresak langileekin akordioetara heltzeko zuen itxitasun historikoa kontuan hartuta.

LAB sindikatua eta gu ez ginen izan enpresa honetako diskriminazioa salatu genuen bakarrak, Berdintasunaren Defentsoriak zein Lan Ikuskaritzak ere detektatu zuten eta azken honek, bi arau-hausteko akta egin zituen: bata sexuagatiko diskriminazioarengatik enplegua eskuratzerakoan eta bigarrena sexuagatiko diskriminazio hori konpontzeko, soldata eta asteko atsedenean.

Lau urte beranduago, 2012ko urtarrilean eta hitzarmenerako negoziazio mahaia berriro irekitzeko beharrarekin bat eginez, enpresak estintzioko Enplegu Erregulazio Espendientea aurkezten du arrazoi produktiboengatik 25 langilerentzat. Aurkeztutako zerrendan, 2008an greba egin zuten langileen ia %100 zegoen. Egungo langileen %32ak soilik hartu zuen parte greba hartan, hala ere, espedienteak eragiten dien %84k hartu zuen parte gatazkan.

Eusko Jaurlaritzak espedientea bertan behera utzi zuen eta ez zion enpresari utzi aipatu arrazoiengatik inor kaleratzen, gainera, aintzat hartu zuen balizko diskriminazioa langileen aukeraketan.

Indusaleko zuzendaritzak, egungo erreformak ematen dizkion tresna berriak makurki erabiliz, aurrera jarraitzen du langile batzuk kaleratzeko asmoarekin. Helburua, langile batzuk zigortu eta besteei mezu zuzena bidaltzea. Honela, administrazioaren ebazpenari entzungor egiteaz aparte, 23 langile kaleratu nahi ditu lekualdatze kolektiboz mozorrotuz (Huelva, Kordoba, Pontevedra, Guadalajara eta Valentziara). Inolako zalantzarik gabe, Indusal-en gogoa ez da lekualdatzea, kaleratzea baizik.

Eta zalantzarik balego, uste dugu hau desagertu egingo litzatekeela guk egunero ikusten duguna ikusi ahalko balitz. Adibidez, lan nahikoa ez dagoela justifikatzeko bezero batzuen materiala beste enpresa batera bidaltzen ari dira. Bada beste kontu bat ulertzeko zaila dena, nola lekualdatzen gaituzten duela ez asko estintzioko espedienteak burutu dituzten lantegi batzutara.

Bada ulertzen ez dugun beste kontu bat. Administrazioak bertan behera utzitako espedientea 175 langilerentzat zen. Egun, kaleratze kopurua berdina planteatzen da 165 langiletako plantilan.

Gure ustez arrazoi nahikoak ditugu gure lanpostuak defendatzeko eta horrela egingo dugu, mobilizazio ezberdinak burutuz. Tinko eutsiko diogu babes posible guztiak jasotzeko ahaleginari eta eraso hau salatzen jarraituko dugu, berau gelditzea lortu arte.

Arrigorriagan, 2012ko apirilaren 11an

AZKEN ALBISTEAK | ÚLTIMAS NOTICIAS

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.

Bizkaiko grafikagintzako patronalak atzerapauso gehiago dituen proposamena egin berri du

Otsailaren 22an, Bizkaiko grafikagintzako hitzarmeneko bederatzigarren negoziazio bilera egin da. Patronalak proposamen berri bat aurkeztu du, aurretik aurkeztutakoak baino baldintza txarragoekin honeko edukietan: iraunaldian, soldata igoeretan eta oporretan. Era berean, atzerapausoak mantentzen jarraitzen dute honako gaietan: lanaldiaren banaketa irregularrean, antzinatasuna, aldi baterako ezintasunen osagarriak, etab.

Mecanerreko trantsizio ekosozialerako plana aurkeztu dugu

Enpresa-batzordean gehiengoa dugun LAB eta ESKk enpresaren trantsizio-planaren jendaurreko aurkezpena egin dugu Urdulizko Kultur Etxean. Enpresaren itxiera saihesteko eta haren etorkizuna ziurtatzeko egindako txostena eta trantsizio ekosozialerako proposamenak ezagutarazi ditugu. Plana enpresa batzordeak egin du Garua kooperatibaren eskutik, eta Urdulizko Udalaren laguntza izan du.