2024-05-23
HomeIndustriaMetalgintzaMetalgintzako greba egunak langileek hitzarmenarekiko duten konpromisoa handia dela erakutsi du

Metalgintzako greba egunak langileek hitzarmenarekiko duten konpromisoa handia dela erakutsi du

Ekainaren 21ean metalgintzako sektoreanEAEn izandako grebari buruzko balorazioa ezin positiboagoa egiten du LAB sindikatuak. Jarraipena oso zabala izan da Gipuzkoan, Bizkaian eta Araba, enpresa txikietan zein handietan.

Gipuzkoan, azken greba egun honetan, hainbat kooperatibek ere bat egin dute gure deialdiarekin. Hori sektoreko langileek metalgintzako hitzarmenarekiko konpromiso eta atxikimenduaren adierazgarri da. Halaber, protesta eta mobilizazio ekitaldiak nahiz hauen maila eta indarra bidertu dira.

ADEGI, FVEM eta SEA patronalek gogoan hartu beharko lukete gaurkoan gertatutakoa. Hau uztailaren 7aren ondoren etorriko denaren atarikoa besterik ez da, beti ere, sektoreko hitzarmenak indargabetuko balira.

Era berean, erakunde publikoak, eta Eusko Jaurlaritza batez ere, ez daitezke, lan gatazkak handitzearen aurrean, ikusle hutsak izan. Engaiatu behar dute patronalak, jarrera zurrunak baztertuz, negoziatzeari ekin diezaion.

Azkenik, sektorea zoriondu nahi dugu, eta batik bat, LABen militantzia, astean zehar egin behar izan duen lan eskergagatik. Bide onetik goaz.
 

 

LAB SAREAN
{module[111]}

    

AZKEN ALBISTEAK | ĂšLTIMAS NOTICIAS

Matia Fundazioko langileek hitzarmena negoziatu ahal izateko blokeoa etetea exijitu dute

Gaur kontzentrazioa egin dugu Matia Fundazioko langileekin batera, fundazioko zuzendaritza salatzeko asmoz, 2024. urtean hasitako negoziazio kolektiboa izoztuta dauka eta.

Jarraipen zabala Bizkaiko grafikagintza sektorearen grebaren laugarren egunean

Laugarren greba eguna Cebek-en egoitzaren aurrean amaitu den manifestazio jendetsu batekin amaitu da. Hain zuzen ere, patronala da maiatzaren 27an sektoreko gatazka desblokeatzeko aukera duena. Bestela, Bizkaiko grafikagintza sektoreko borrokak aurrera jarraituko du

Errepide mozketa egin dugu Iruñean salatzeko patronalak eta UGT eta CCOO sindikatuek Nafarroako Kimiketako hitzarmena guztiz blokeatu dutela

LAB sindikatuko zenbait kidek eta Kimiketako zenbait langilek Iruñeko errepide bat moztu dute gaur goizean, irudikatzeko eta salatzeko patronalak zein UGT eta CCOO sindikatuek erabat blokeatu dutela Nafarroan sektoreko hitzarmen probintziala izateko aukera. LABek iragan urteko ekainean abiatu zuen halako hitzarmen bat negoziatu ahal izateko lanketa, baina aipaturiko eragile horiek guztiz moztu dute bide hori.