Atzo Mercedesen bururtutako bozketan UGT-k, EKINTZA eta PIMek gutxiengoan sinatutako akordioaren gaineko errefusa agerian geratu zen. Akordioa erroldaren %44.84ak onartu zuen eta gainontzekoak modu ezberdinez aurkako pozisioa adierazi zuten. Honen aurrean zuzendaritzari akordio hau bertan behera utzi eta lan baldintzak hobetuko dituen hitzarmen bat negoziatzeko eskaera luzatzen diogu.
Akordio honek langileen lan baldintzetan hobera egiteko aukera emango ez duela ikusita bi sindikatuk langileei kontrako posizioa agertzeko deia egin genien, izan kontrako bozka emanez, edo abstentzio bidez. Enpresak bere aldetik, gardentasunik gabe burututako prozesua aurrera atera dadin, zuzenean edo zeharka, behin behineko langileak, prozesuan partehartzera presionatu ditu, hortarako, behin-betiko kontratua lortzeko zailtasunak edo kaleratuak izatearen arriskua erabiliz.
Akordio honek langileen lan baldintzetan hobera egiteko aukera emango ez duela ikusita bi sindikatuk langileei kontrako posizioa agertzeko deia egin genien, izan kontrako bozka emanez, edo abstentzio bidez. Enpresak bere aldetik, gardentasunik gabe burututako prozesua aurrera atera dadin, zuzenean edo zeharka, behin behineko langileak, prozesuan partehartzera presionatu ditu, hortarako, behin-betiko kontratua lortzeko zailtasunak edo kaleratuak izatearen arriskua erabiliz.
LABen iritziz, enpresak plantillaren erantzuna kontutan hartu eta akordioa, lan hitzarmen bihurtzeko erabakia alde batera utzi behar du. Honekin batera berriro ere negoziazioari ekiteko deia luzatzen diogu prekarietatea irauli, flexibilitateari mugak jarri, lan jardunaldia gutxitu, lan sariak igo eta egituzrazko langileen enplegu finkoa bermatuko duen hitzarmena adosteko.