Mecanica Mallabiko langileak 4 urte daramatzate ALFA Taldearen azpijoko eta zuzendaritza arduragabe baten ondorioak jasaten eta ordaintzen. Langileok erantzunak behar ditugu, benetako konpromisoak eskatzen ditugu, ahalik eta lanpostu gehienak mantentzea eta soldata eta kalteordainak ordaintzea.

Mecánica Mallabiko enpresa-batzordea

Orain dela 4 urtetatik, ALFA Taldearen azpijoko eta zuzendaritza negargarria baten ondorioak jasaten eta ordaintzen gabiltza.

Urte hauetan orain gertatzen dena salatu eta aurreikusi dugu.

Gertatu eta gero jakinarazten zaigu merkataritza arloko epaileak likidazio prozesuaren hasiera agindu duela, ezin diolako hornitzaileen hitzarmenaren lehen ordainketari aurre egin. Ordainketa honen zenbatekoa Abadiñotik Mallabiara eta berriz Mallabiatik Abadiñora makinak mugitzen gastatutakoa baino gutxiago da.

Ohartarazten digute likidazio prozesuak normaltasunez aurrera egin dezan lanean jarraitu behar dugula eta dena “ongi badoa” gure soldatak eta indemnizazioak kobratuko ditugula, baina ez digute honen bermerik ematen ezta hau egiaztatzen duen kontabilitate dokumenturik ere.

Honen ondoren eta aldarrikapen bezala enpresa eta konkurtsoko administratzaileari eskatzen zaio esandakoa bermatzea eta horretarako ALFA taldea inplikatu behar dela abal baten bitartez. “honen aurrean berdina esaten jarraitzen dute”, “ezin dugu eskatutako bermatu eta ALFA Taldeak ez du ezer jakin nahi”.

Maiatzaren 5ean, langileek, enpresaren promesez nekatuta, greba mugagabea hastea erabaki genuen eskari bakar eta sinple batekin; soldata eta indemnizazioak ziurtatzea, “datorren talde interesatuarekin” plan sozial bat egitea (gaur egun, oraindik ez dakigu nor datorren) eta taldeko beste enpresa batzuetan errekolokazioak egitea lanpostu gehienak ziurtatzeko.

Zoritxarrez, gaurko egunean berdin jarraitzen dugu nahiz eta 3 bilera egin diren;

• Maiatzak 12. Administrazio konkurtsala eta enpresarekin egiten da batzarra. Gauza berdinak esaten dizkigute, hirugarren batek interesa erakutsi duela eta gauzak ondo badoaz 40 pertsonarentzat lana egongo dela eta soldatak eta indemnizazioak bermatuta daudela “dena ondo badoa”.

• Maiatzak 13. Batzarra aurreko berdinekin gehi interesa erakutsi duten enpresako abokatuekin. Batzar horretan “esaten” digute enpresa berria zein den ez dela argituko, eta 25 lanpostu errekuperatuko dituztela miseriarik gabeko baldintzetan. Gainera “kategoriaren araberako soldatak”, “lan zentroa gaur egungoa izan daitekela edo Bizkaiako beste edozein” hitz egiten da. Azkenik, susmagarriena dena, enpresa berriak konpromisoak hartuko dituela bakarrik langile guztiak kalean daudenean.

• Maiatzak 15. Mallabian batzarra, bertan lan zuzendaria den Xabier Lo Santo, Mallabiako alkatea, bi administratzaile konkurtsal eta enpresa biltzen gara. Biltzarrean helarazten digute egoera esperotakoa baino txarragoa dela, bezeroak haserre daudela. Gainera talde inbertitzailea joan egingo dela abisatzen digute ez bagara lanean hasten. Lanean hasten bagara, kobratzeko aukera eta langileen parte batentzat lana izan ahal dugula ere esaten digute. Baina hau dena, “gauzak ongi badoaz” bakarrik gertatuko dela diote. Gainera lan zuzendariak dio “historia guzti honetan ALFA taldeak ez duela ezer jakin nahi”.

• Maiatzaren 17an Eusko Jaurlaritzan batzartzen gara, bertan negoziazioko alde guztiak bertaratzen gara ALFA taldeko ordezkaritza izan ezik. Bilera honetan ez da ezer berriaz hitz egiten baina akta jasotzea adosten da. Momentu honetan erdizka dagoen akta bat dugu, Administrazio konkurtsalaren jarrera islatu eta Eusko Jaurlaritzak hartzen dituen konpromisoak agertzen dituena. Alde sozialak aldaketa batzuk proposatzen ditu bide orri baten bitartez, gure lan eskaerak eta kalteordainak betetzen joateko. Akta eta bide orria adosten bazen, gu prest geunden greba bertan behera uzteko langile asanbleari kontsultatu ostean eta beti konpromezuak betetzen baziren.

Hasieran esan bezala ez dugu ezer eta momentuz berdin jarraitzen dugu. Ez ditugu “bakarrik” euren “arazoak” konponduko, hau da;

• Ez dugu likidazio ordenatu bat egingo arazo hau eragin dutenei ez molestatzeko.
• Ez diogu etorriko den taldeari alfonbra gorri bat ipiniko, inongo konpromisorik hartzen ez badu.
• ALFA Taldeak enpresa munduan bere izen onarekin jarraitzea nahiz eta guzti honetan ardura eta erantzukizuna eduki.

Bakoitzak bere ardura hartzea nahi dugu egin nahi dutenaren aurrean “gu kaleratzea, esku bat aurrean eta bestea atzean ipinita”

“Beraiek” ALFA LAN-en, 2014 urtean, 11 langilerekin (horietatik 4 zuzendari postuetan) 807.000 eurotako pertsonal gastua izan zuten, bien bitartean ALFA taldeko langileoi, 4 urtetan zehar, soldata murriztu eta izoztu digute. Administrazio kontseiluak 298.721 euroko “dibidenduak” banatu ditu, taldean 200 lanpostu suntsitu dituzten bitartean.

Guzti honekin, oraindik, aurpegi gogorra dute eta euskal enpresari eredu izendatzen dute euren burua.

Benetako konpromisoak eskatzen ditugu, ahalik eta lanpostu gehienak mantentzea eta soldata eta kalteordainak ordaintzea.