Bi saiakera ondoren eta hilabete bat beranduago, azkenik Gipuzkoako Grafikagintzako negoziazio mahaia eratu da. Honek sektoreko langileen lan baldintzak berritzeko aukera zabalduko du. Hala ere, gaurko bileran ere patronalaren arteko liskarrak azaldu dira, horregatik patronalaren ordezkaritza neurtzeko sistema inoiz baino beharrezkoagoa dela uste du LABek.

Bi saiakera ondoren eta hilabete bat beranduago, azkenik Gipuzkoako Grafikagintzako negoziazio mahaia eratu da, ondoko portzentaiekin:

Sindikatuen aldetik:

-LAB: % 52,63 (gehiengo osoa).
-ELA: % 42,11.
-CCOO: % 3,51.
-UGT: % 1,75.

Patronalaren aldetik,

– ADEGI: % 82,58
– GAREN: % 17,42.

Gaurko egunean sektoreko mahaia eratu izanaz pozten gara, sektoreko langileen lan baldintzak berritzeko aukera izango dugulako. Hala ere, gaurko bileran ere berriro azaldu dira patronalaren arteko liskarrak euren ordezkaritza egiaztatzeko orduan, irizpide ezberdinak mantentzen baitituzte. Hori dela eta, patronalaren ordezkaritza neurtzeko sistema inoiz baino beharrezkoagoa dela uste du LABek. Helburu horrekin datozen egunetan LHKn (Lan Harremanen Kontseilua) proposamena aurkeztuko dugu.

Hurrengo bilera maiatzaren 31an izango da.