2024-03-29
HomeErrepresioaMakroprozesuen aurka herri erantzuna sustatzeko konpromisoa adierazi du LABek

Makroprozesuen aurka herri erantzuna sustatzeko konpromisoa adierazi du LABek

35/02 sumarioan auzipetutako kideek Euskal Herriko eragile politiko, sindikal, sozial eta instituzionalekin abiatutako bilera errondaren baitan, gaur, LAB sindikaturekin bildu dira, Donostian. Auzipetuen izenean Floren Aoizek gogoratu du “prozesu honen gaineko irakurketa partekatu, egoera azaldu eta epaiketari erantzuna emateko” abiatu dituztela bilerak.

Prozesu judizialok “herri baten kontrako epaiketak” izaki, Ainhoa Etxaide LABeko idazkari nagusiak adierazi du epaiketaren kontra, eskubide zibil eta politikoak bortxatzearen aurka “Euskal Herrian gehiengo sozial zabal bat” dagoela. “Orain iritzi hori kalera atera behar da” dei egin dute bi bozemaleek.

Alde bietako ordezkariak bat etorri dira militantzia eta jarduera politikoaren persekuzioa eta kriminalizazioa ematen dela salatzerakoan. Eta bilera erronda honekin, makroepaiketan auzipetuta dauden lagunek, “politikaren jazarpenari herri gisa erantzutearen beharra” azpimarratu dute. Egun, Euskal Herrian ia 300 lagun daude politika egiteagatik epaiketa zain.

LABek konpromiso zehatzak hartu ditu, besteak beste, “ekimen garrantzitsuak aurrera ateratzeko eta ekimen horiek agenda sindikalean sartzeko adostasunak bilatzeko konpromisoa”. “Demokraziaren aldeko agenda propioa behar dugu”, adierazi du Etxaidek, “erantzuna langileen agendetan ere egon behar du, eta horrela izango da, epaiketak irauten duen bitartean honen salaketa present izango baitu LAB sindikatuak bere ekimenetan.

 

LAB sarean
{module[111]}

 

      

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.