Enviser Servicios Medioambientales Ecovidrioko langileak Bizkaian beira jaso eta birziklatzeaz arduratzen dira eta gaur, greba eta mobilizazioak hasi dituzte enpresak uko egiten diolako lan-baldintza duinak aitortzeari. Mobilizazioa ere egin dugu enpresak Bilbon duen egoitzaren aurrean.
Urtebete daramagu Enviser Ecovidrio enpresari lan-baldintza duinak eskatzen. Gaur egun, estatu mailako hitzarmena dugu (hondakin eta bigarren mailako lehengaien berreskurapen eta birziklaia), 816 eurotako soldatekin. Gainera, enpresaren beharrizanen arabera egiten da lan.
Enpresak erakutsitako borondate falta eta negoziazioan dagoen blokeoaren aurrean, greba egunak deitu ditugu urriaren 5, 6, 13, 14, 19, 20, 26 eta 27an.