2024-06-17
HomeZerbitzu PublikoakGizarte AsistentziaLanuzteekin jarraitzen dute EAEko tele-arreta zerbitzuan

Lanuzteekin jarraitzen dute EAEko tele-arreta zerbitzuan

EAEko tele-arreta zerbitzuko zentroarteko batzordeek lanuzteekin jarraitzen dute. Gaur, 10:00etatik 20:00etara egingo dute lanuztea eta, bihar, 11:00etatik 13:00etara eta 18:00etatik 20:00etara. Kalitatezko zerbitzu eta lan-baldintzen alde abiatu dituzte mobilizazioak, eta, lan uzteekin batera, elkarretaratze bat egin dute gaur Bilbon, Eusko Jaurlaritzaren egoitzaren aurrean.

Telelaguntzako zerbitzua kudeatzen duen merkataritza enpresak, Tunstall Televida-GSR-IMQ Aldi Baterako Enpresa-elkarteak, eskaintzen duen zerbitzuaren kalitatea jaisten ari da, beti ere haren irabaziak handitzeko helburuarekin eta langileen kalterako. Hau dela eta, mobilizazioei ekiteko erabakia hartu zuten ekaina hasieran.
 

 

 

AZKEN ALBISTEAK | ÚLTIMAS NOTICIAS

Udal administrazioan euskararen normalizazioa mugatu nahi duen azken epaia gogor salatzen dugu

Euskal administrazioa euskalduntzeko prozesuaren aurka pairatzen ari garen oldarraldiaren baitan beste epai baten berri jaso dugu. Kasu honetan, Bilboko Administrazioarekiko Auzien Epaitegiaren eskutik etorri da; izan ere, Galdakaoko Udaleko Gizarteratzeko eta Laneratzeko Teknikari lanpostu bat egonkortzeko prozesuan 3. hizkuntza-eskakizuna ezartzea atzera bota du.

GUITRANSek Gipuzkoako errepide bidezko salgaien garraioaren hitzarmenaren negoziazioa blokeatuz gero, errepideak blokeatzeko deialdia egingo dugu

Gaur eratu dugu LAB, ELA, CCOO eta UGT sindikatuOk eta GUITRANS patronalak Gipuzkoako errepide bidezko salgaien garraioaren hitzarmenaren negoziazio mahaia. 2024 urtea hastearekin batera ekin genion sindikatuok hitzarmen berri baten negoziazio bideari. Izan ere, 2009ko abenduaren 31az geroztik hitzarmenik gabe dago sektorea eta lan-baldintza zeharo desarautuetan ari dira 6.000 langiletik gora.

Europako epaiak langileoi enplegu publikoa egonkortzeko borrokan beste tresna bat ematen digu

EBJA Europar Batasuneko Justizia Auzitegiaren sententziak argi uzten du administrazioek hartutako neurriek ez dutela behin-behinekotasunaren arazoa konpontzen eta neurri eraginkorragoak eskatzen ditu.