Arlo juridikoan zein formakuntzan elkarlanerako zubiak estutzea ekarriko digun akordioa da. 

100 profesionaletik gora batzen dituen kooperatiba da Col-lectiu Ronda, eta 70.hamarkadaz geroztik ibilbide emankorra egin du. Hastapenetan lan arloko aholkularitzara bideratua, jarduera eremua zabaltzen joan da: aholkularitza laboral eta juridiko-soziala, ekonomia soziala… eremu ugari jorratzen dituzte.

Pertsonen eskubide indibidual eta kolektiboak, justizia soziala, eredu ekonomiko justu eta solidarioa, genero ekitatea, demokrazia zuzena eta autogestioa, interkooperazioa eta independentzia dira Col-lectiu Rondaren lan filosofia definitzen duten balioak, eta, ezaugarri horiekiko koherentzian, azpimarratzekoa da, esaterako, lan osasunean, amiantoaren gaiarekin egiten ari diren lana.