Donostiar gehienon lan eta bizi baldintzak etengabe okertzen ari dira eta eraiki hitza da azken aldian gure hirian hitzetik hortzera dabilena. Turismoan oinarritutako postalezko hiria da eraikitzen ari direna, hain zuzen ere, gutxi batzuen interesak hiritarron beharren gainetik jarrita.
Zaintza lanen banaketa eza, etengabeko prekaritatea, gutxieneko soldata propioaren ukatzea, etxebizitza duin baterako eskubidearen urraketa, zerbitzu publikoen pribatizazioa, bizitzaren garestitzea, eta, oro har, langileriaren sektore ezberdinok jasaten dugun diskriminazio eta zapalkuntza eguneroko ogi bilakatu dira gurean.
Kapitalaren eraso etengabearen aurrean, donostiar langileok gure buruaren jabe izan, bizitza bizigarriak izateko eskubidearen alde antolatu eta ofentsibara pasatzeko unea dela argi dugu.
ADI DEIALDIEI!