2026-11-16
HomeMaiatzaren Lehena 2016Langileok martxan gara #M1LangileokMartxan

Langileok martxan gara #M1LangileokMartxan

MAIATZAREN LEHENA
Langileok martxan eskubideak aktibatuz!

 

Maiatzaren Lehen honetan langileok martxan garela erakutsi dugu. Milaka langile kalera irten gara inposatu zaigun prekarietatearen aurka. Argi dugu egoera honek baduela alternatiba. Elite ekonomiko eta politikoek ezarritako proiektua alboratu eta langileok gure bidea egin behar dugu, baina horretarako indarra behar da eta gaurkoan, berriro ere, antolatzeko eta borrokatzeko gaitasuna duen herria garela erakutsi dugu.

Elite ekonomiko eta politikoek, beren aberastasuna bermatzeko, gehiengo soziala miseriara kondenatzen dute. Aspaldi esan genuen bezala, ez dugu hazkunde fase hau egonkortzen lagunduko ongi bait dakigu hazkunde ekonomiko honek ez dituela gure arazoak konponduko. Egoera hori gainditzeko eskubide sozialen eta lan eskubideen likidazioaren kontra borrokatuko gara.

Pairatzen dugun krisi sozial larriari aurre egitea da LABen lehetasuna eta gure borrokaren ardatza. Egoera irauli nahi dugu. Lan baldintzak eta eskubideen prekarizazioan oinarritzen den lan mundua, herritarrak babesik gabe uzten dituen eredu soziala eta herriari erabakitzeko eskubidea ukatzen dioen eredu politikoa errotik aldatu behar ditugu. Euskal Herri berri baterako bidea hartu eta herri hau eskulotzen duten kateak apurtu behar ditugu.

Martxan gara, eta ez bakarrik salaketa eta erantzun dinamiketan, alternatiba zehatzen defentsan ere bai. Aberastasuna badago, baina ez da langileengana iristen, hori aldatzeko aberastasuna eta lanaren banaketa dira gakoa: 1.200 euroko gutxieneko soldata eta 35 orduko lanastea, neurri hauek emakumeengana iristeko politika zehatzak, lan osasuna ziurtatzeko neurriak eta euskaraz lan egiteko eskubidea bermatzea.

Baditugu aldaketa prozesua indartzeko, sendotzeko eta azkartzeko baldintzak. Badugu aldaketa soziala eta laboralak behartzeko sindikalismo borrokalari bat. Hala erakutsi dugu Maiatzaren lehen honetan eta hala egingo dugu ere hemendik aurrera izango ditugun hitzorduetan.
 

 

AZKEN ALBISTEAK | ÚLTIMAS NOTICIAS

Ikuskizun eta ekitaldien sektoreak beste bi greba egun iragarri ditu Hego Euskal Herrian, azaroaren 26an eta 27an

LABek, ikuskizun eta ekitaldien sektorean Nafarroan ordezkaritzaren %100 duen sindikatuak, EAEko beste sindikatuekin batera (Teknikariok, ESK, ELA CCOO, UGT eta CNT) bi greba egun berri deitu ditu negoziazioak desblokeatzea eta sektoreko lehen hitzarmen kolektiboa sinatzea eskatzeko. Deialdi bateratuak bi lurraldeetan partekatzen den aldarrikapen bati erantzuten dio: prekarizatutako sektore baten erregulaziorantz aurrera egitea.

Mobilizaziorako deia egin dugu, Bizkaiko Esku-hartze Sozialeko hitzarmenaren negoziazioa blokeatuta dagoelako

Hamar hilabete baino gehiagoko negoziazioaren ostean, LAB, ELA eta ESK sindikatuok aurrerapausorik ez dagoela salatu dugu, eta abenduan bi elkarretaratze eta 2027an balizko grebak iragarri ditugu, Gizardatz patronalak aldarrikapenak aintzat hartzen ez baditu.

Arabako metala borrokan: negoziazioa orain!

LAB, ELA, CCOO, eta UGT sindikatuok, Arabako metalgintzako hitzarmenaren negoziazio batzordeko kideok, plataforma bateratu bat aurkeztu dugu SEAren aitzakia guztiak saihesteko eta, behingoz, sektoreko pertsonek behar duten eta merezi duten hitzarmena negoziatzera esertzeko. SEAk, ordea, entzungor egin die langileei eta ez du hartu nahi izan sindikatuek egindako plataforma bateratua