2024-07-25
HomeIndustriaMetalgintzaLangileen ordezkariak oso kezkatuta daude Corrugados enpresako zuzendaritzak erakutsi duen jarrerarekin

Langileen ordezkariak oso kezkatuta daude Corrugados enpresako zuzendaritzak erakutsi duen jarrerarekin

Corrugadoseko enpresa batzordeko LAB eta ELA sindikatuek, Corrugados Azpeitiako langileek hilaren 4an greba mugagabea eten zutenetik hona, enpresarekin izandako bileren emaitza azaltzeko prentsaurrekoa eskaini dute gaur Azpeitian.

LAB eta ELA sindikatuen irakurketa

«Enpresarekin birritan bildu gara, Gasteizen eta Burgosen, birritan Alfonso Gallardo eta bere asesoreak egon dira. Lehenengo bileran ez zuen ezer berririk ekarri eta bigarrenean bere hasierako proposamenari eutsi zion. Ez du ezer berririk proposatzen.

LAB eta ELA sindikatuek luzatu diogu proposamen bat negoziazioa ahalbideratzeko. Horretan, kalerapenak borondatezkoak izan beharko lirateke, lanaldia handitzea ez dugu onartzen, soldata jaistea ez dugu onartzen enpresak proposatzen duen neurrian eta forman, baizik eta, paga extra bat (soldataren %7a) ez genuke kobratuko etorkizunean bere errekuperazioa adostuta balego, suspentsiozko EREa adosteko aukera ematen diogu beti ere txandakakoa eta ekitatiboa bada eta enpresari eskatzen diogu konpromisoak hartzea, hau da, langileekin daukan zor salariala pagatzea, 400.000 tona bermatzen duen plan industriala aurkeztea eta akordioaren iraupenean kalerapeneko ERErik ez aurkeztea.

Negoziazio azken fase honen hasieran esan genuen baikor ikusten genuela negoziazioari ekitea baina, gaur, oso kezkatuta agertzen gara enpresak duen jarrerarekin. Punturen batean edo bestean hurbilketa egon daiteke baina ez dugu ikusten enpresak negoziatzeko benetako borondaterik daukanik. Bereari eusten negoziazioa ez doa aurrera, ez dago negoziazio errealik. Enpresa inmobilismoan kokatu da.

LAB eta ELA sindikatuak hilaren 4an zabaldu genuen akordiorako aukerari enpresak oporraldia inposatuz erantzun dio. Akordioa lortzeko neurria dela dio eta, horrela, hilaren 15ean, akordiorik gabe geundela, 24rarte berriro inposatu digu oporraldia. Inposaketa hau gure kontrako neurritzat jotzen dugu, gure erabakiak baldintzatzeko asmoarekin. Neurri honen kontra demanda judizialak prestatzen ari gara gure eskubideak defendatzeko.

Gallardoren jarreraz egiten dugun irakurketa oso ezkorra da. Enpresarekin jarraitzeko borondate ezaren susmoa ikusten dugu. Oporraldia aitzaki bat da enpresa martxan ez jartzeko. Gauza bat argi dugu ere, Corrugados Azpeitiko planta ez bada zabaltzen orain, negoziatzen ari garen bitartean, Gallardok enpresa hau funtzionatzen mantentzeko borondaterik ez daukala. “Itxiera patronala” baten aurrean egon gaitezke, 300 lanpostuen desagerpenaren aurrean.

Greba eten genuenean borrokak aurrera jarraitzen duela esan genuen eta, enpresaren jarrera itxia, lanpostuen galeraren arriskua, itxiera patronalaren arriskua salatzeko gaur mobilizazio fase berri bati hasiera ematen diogula publiko egiten dugu.

Egoera konpontzeko bide bakarra akordioa lortzea da. Inposaketaren bidetik ez dago aukerarik.» 

 

LAB SAREAN
{module[111]}

    

AZKEN ALBISTEAK | ƚLTIMAS NOTICIAS

Eusko Jaurlaritzak onartutako langile publikoentzako soldataren igoerak erosahalmenaren galera eta Madrilekiko menpekotasuna dakar, beste behin ere

LABek Eusko Jaurlaritzaren Gobernu Kontseiluak langile publikoentzat (*) onartu berri duen %2ko soldata igoera salatzen du. Ikasturte honetan hiru greba eta hainbat mobilizazio egin ditugu soldata eta enplegua hemen erabakitzeko, bertan negoziatu eta adosteko. Hauek dira Jaurlaritzak agindutako azken neurriaren aurka azaltzen ditugun argudioak:

Prekaritateak dakarren lan segurtasun ezak hil egiten du

Gipuzkoako Kale Garbiketa sektoreko alderdi sindikal guztiak, ELA sindikatua izan ezik, pasa den uztailarean 10ean, IruƱean, gaueko txandan bere lana egiten zuen bitartean, lan istripuan hildako FCC-ko (IruƱerriko Mankomunitateko azpikontrata) langilearen familia, lagun eta lankideei elkartasuna eta babesa helarazteko, gaur uztailak 24, elkarretaratzea egin dugu Gipuzkoako FCC-ko egoitza nagusiaren parean, Hernaniko Zubiondo poligonoan.
00:20:31

Osasun sistema publikoa indartzeko neurriak aurkeztu ditugu

Langileen gehiengorik gabe Osasun Itunik ez dago.