2024-07-22

Langile bat hil da Astigarragan

Gaur asteartea, urriak 2, O.A. langilea hil da Astigarragako Aizkibel S.A. enpresan (Calcinor taldekoa). 38 urteko langilea da hildakoa, hormigoia fabrikatzen duen lantegi horretan lanean ziharduela, zulo batera erortzean gertatu da heriotz istripua. 
LAB sindikatutik lehenik eta behin, elkartasuna adierazi nahi diegu hildako langile gaztearen sendiari eta gertukoei nahiz lankideei. Modu berean gogor salatu nahi dugu gaurko heriotz honekin, Euskal Herrian 2012 hasieratik gaur arte gutxienez 39 langile hil direla.

Hau guztia dela eta, LAB sindikatutik mobilizatzera dei egiten dugu, guztion artean (langileok eta jendarteak orohar) sarraski hau amai dadin.

Ondorengo orduetan erantzun zabal eta anitza artikulatzen saiatuko gara. Era berean, LABek bat egiten du heriotz istripu hau salatzeko enpresan deitutako mobilizazioekin.

AZKEN ALBISTEAK | ĂšLTIMAS NOTICIAS

LABeko kideak Mugak Zabaltzen karabanan

Balkanetara eginiko Mugak Zabaltzen karabanan parte hartu dute aurten ere sindikatuko hainbat afiliatuk. Ekimen horren helburua da salatzea Europa insolidario honek armak saltzen dituela eta bere mugak militarizatzen dituela.

Esparru propioa sendotu dute kurtso honetan LABek sustatutako ia 200 borroka sindikalek

Gorantz egin dute enpresetako gatazkek eta irekitako 10 borrokatik 4 itxita daude, eduki anitzagoekin.

Langileen aldeko politikak bultzatzeko eta zerbitzu publikoak hobetzeko eskatu diogu Pradales Lehendakariari

Osakidetzan langileen gehiengorik gabe herri itunik ez dela posible izango ohartarazi diogu.