2025-04-19
HomeMurrizketakLangabeziaren kontrako mobilizazio eguna Nafarroan

Langabeziaren kontrako mobilizazio eguna Nafarroan

LAB sindikatuaren deialdiari erantzunez langabezian dauden pertsonekiko elkartasun eguna burutu zen ostiralean Nafarroan. 50.000tik gora dira langabezian dauden langileak Nafarroan eta ostiralean "aski da!" esateko ehundaka pertsona batu zuren Nafarroan egin ziren mobilizazio ezberdinetan.
Langileak euren lan zentroaren aurrean kontzentratuko ziren, besteak beste, Papelera San Andrés, Norton, KYBSE, Koxka, Faurecia, Coussin Freres edota Volkswagen enpresetan, baita Burlata eta Berriozarreko udaletxeen aurrean ere. Halaber, goizean Berako poligonoan kontzentrazioa egin zen eta arratsaldean Lizarra, Tafalla, Tutera eta Altsasun mobilizazioak burutu ziren.

Iruñeari dagokionez, 200 bat lagunek kontzentrazioa egin zuten Nafarroako Gobernuaren aurrean. Bertan, LABeko bozeramaile Igor Arroyok langabezia PP, UPN eta PSNk hartutako erabaki politikoen ondorioa zela esan eta Nafarroako Gobernuak Lan Erregulazio Espediente guztiak sinatu dituela salatu zuen. Roberto Jimenezek herenegun aurkeztutako neurriekin lau urtetan 2.000 lanpostu inguru suntsituko direla eta Rajoyk aurkeztutako lan erreformaren ondorioz prekarietatea nahiz langabezia handituko direla ere gaineratu zuen.

Datorren Martxoaren 29a ere gogoan izan zuen Arroyok, Nafarroak neu erantzun tinkoa emateko eguna izango dela azpimarratu zuelarik.

Arratsaldeko 19,00etan manifestazioa abiatuko zen Iruñeko Udaletxeko Plazatik, iruñerriko langabetuen asanbladak eta eragile sozial desberdinek babestuta.

AZKEN ALBISTEAK | ÚLTIMAS NOTICIAS

Enviserreko langileek greba gogortu dute, protestaren hirugarren astean

Hiriko parkeak, lorategiak eta eraztun berdea mantentzeko Gasteizko Udalaren kontrata den Enviser enpresako langileek hiru aste bete dituzte greban. Baldintza duinak jasoko dituen hitzarmen propio bat lortzea da beren helburua. Hainbat langilek Gasteizko udaletxearen aurrean pasa dute gaua, azken honen inplikazioa eskatzeko.

LABek ontzat jo du Iruñeko Udalaren eta alokairuzko bizikleten enpresaren artean sinaturiko akordioari esker langileei zor zitzaizkien soldatak ordaintzea

LAB sindikatuak duela bi aste salatu zuen Ride On Pamplona Iruñeko alokairuko bizikleta elektrikoen zerbitzuko langileak egoera larrian zeudela, sei hilabete baitzeramatzaten nominak berandu kobratzen eta, gainera, enpresak bi nomina oso zor baitzizkien. Iruñeko Udalak eta Ride On-ek gaur iragarri duten akordioaren arabera badirudi zerbitzuaren jarraipena bermatuko dutela eta enpresak berehala kitatuko dituela langileekin dituen zorrak.

LABek salatzen du milaka gutun banatu gabe daudela Gasteizen Correoseko langile faltagatik

Langilerik ez kontratatzearen ondorioz, kaosa sortu da azken hilabeteetan posta-banaketan, eta inoiz ikusi gabeko egoetara iristen ari da. Kontratazioan murrizketa hain handia da, kasu askotan ez dela inor ordezkatzen ari. Adibidez, Alde Zaharreko postariak urte erdi baino gehiago darama bajan, ordezkatu gabe.