2024-06-15
HomeLan Osasuna IdazkaritzaPrekarietatea HiltzaileaLan istripuen sarraskiarekin amaitzeko, administrazioei gardentasuna exigitzen diegu, eta konpromiso politikoa egoera...

Lan istripuen sarraskiarekin amaitzeko, administrazioei gardentasuna exigitzen diegu, eta konpromiso politikoa egoera aldatzeko


Abenduaren 1ean lan istripu larri bat gertatu zen Basauriko Gorsalva Holding S.L. enpresan (Basauri) abenduak 3an hil zen istripuaren ondorioz zauritutako 57 urteko langilea. LAB sindikatutik gure elkartasuna eta babesa adierazi nahi diogu hildako langilearen senide, lagun eta lankideei.

Heriotza honekin gutxienez 53 langile dira lan istripuz edo istripuen ondorioz bere bizitza galdu dutenek urtea hasieratik Euskal Herrian. Hego – Uribe Arratiako eskualdean, azken bost hilabetetik hona lau langile bizitza galdu dute lanean.

Salatu nahi dugu, beste behin ere, hirugarren pertsona batetik jakin izan dugula istripu larri honen berri Sarraski honekin bukatzeko, administrazioei gardentasuna exigitzen diegu, konpromiso politikoa egoera aldatzeko eta gaur , berriro ere exigitzen diegu, lan istripuen aurrean tolerantzia 0, kontrola eta zaintza berma ditzatela.

Lan istripuak eta euren atzean dagoen prekarietatea lehen mailako arazo politikoa bilakatu behar dugu, horregatik lantokietan eta kalean borrokan jarraituko dugu, eredu berri baten alde, baldintza duinen alde eta langileon bizitza eta osasuna erdigunean jarriko duen jendarte eta herri baten alde.

Horregatik guztiagatik LAB sindikatutik gizarte osoari dei egiten dugu hurrrengo egunetan antolatu daitezkeen mobilizazioetan parte hartzera.
 

Heriotza honen aurrean, euskal gehiengo sindikalak kontzentrazioa egingo dugu abenduaren 11ean enpresaren aurrean 12:00etan.

 

 

AZKEN ALBISTEAK | ÚLTIMAS NOTICIAS

Udal administrazioan euskararen normalizazioa mugatu nahi duen azken epaia gogor salatzen dugu

Euskal administrazioa euskalduntzeko prozesuaren aurka pairatzen ari garen oldarraldiaren baitan beste epai baten berri jaso dugu. Kasu honetan, Bilboko Administrazioarekiko Auzien Epaitegiaren eskutik etorri da; izan ere, Galdakaoko Udaleko Gizarteratzeko eta Laneratzeko Teknikari lanpostu bat egonkortzeko prozesuan 3. hizkuntza-eskakizuna ezartzea atzera bota du.

GUITRANSek Gipuzkoako errepide bidezko salgaien garraioaren hitzarmenaren negoziazioa blokeatuz gero, errepideak blokeatzeko deialdia egingo dugu

Gaur eratu dugu LAB, ELA, CCOO eta UGT sindikatuOk eta GUITRANS patronalak Gipuzkoako errepide bidezko salgaien garraioaren hitzarmenaren negoziazio mahaia. 2024 urtea hastearekin batera ekin genion sindikatuok hitzarmen berri baten negoziazio bideari. Izan ere, 2009ko abenduaren 31az geroztik hitzarmenik gabe dago sektorea eta lan-baldintza zeharo desarautuetan ari dira 6.000 langiletik gora.

Europako epaiak langileoi enplegu publikoa egonkortzeko borrokan beste tresna bat ematen digu

EBJA Europar Batasuneko Justizia Auzitegiaren sententziak argi uzten du administrazioek hartutako neurriek ez dutela behin-behinekotasunaren arazoa konpontzen eta neurri eraginkorragoak eskatzen ditu.