2024-07-21
HomeEkintza SozialaLABen estrategia antirrazistaren nondik-norakoak aurreratu ditugu Iru├▒ean, eta asteburuan jendaurreko aurkezpena egingo...

LABen estrategia antirrazistaren nondik-norakoak aurreratu ditugu Iru├▒ean, eta asteburuan jendaurreko aurkezpena egingo dugu Bilbon

Gaur Iru├▒ean aurreratu dugu Bilbon larunbatean eginen dugun arrazakeriaren aurkako estrategia berriaren aurkezpen publikoa. Huerta de Peraltako Enpresa komiteko presidente eta LABeko ordezkari den Houssine Yagoubik, Iru├▒eko LABeko Txoko Antirrazistako ordezkari eta arlo soziokomunitarioko kide Cecilia Antolinek eta Idazkaritza Antirrazistaren arduradun Josefina Txefi Rocok azaldu dute nola sindikatuak helburu duen langile migratuen eta/edo arrazializatuen eskubideak eta antolaketa kolektiboa defendatzeko tresna baliagarriak eraikitzea.

LAB sindikatuak Sindikalismo Antirrazistaren Idazkaritza sortzea erabaki zuen 2022ko ekaineko azken kongresuan, sindikalismo berri baten aldeko apustuaren baitan. Izan ere, sistema kapitalista-kolonialak eta patriarkalak lehen, bigarren edo hirugarren mailako subjektuak sortzen ditu, eta desberdintasun horietatik etekinak ateratzen ditu. Bada, horri erreparatu eta aurre egiteko baliabideak jorratu ditu LABek, pertsona guztiek eskubide eta aukera berberak izan beharko lituzketela defendatzen duelarik.

Bada, Iru├▒eko aurkezpenean azpimarratu dugun bezala, LABen sindikalismo berria ez litzateke posible izango Huerta de Peraltako lankideen, etxeko langileen atalekoen, banaketa-plataformetakoen, garbitzaileen eta beste askoren ekarpenik izan ezean. Eta hori da, hain zuzen ere, aurrerapena Iru├▒ean egin izanaren arrazoia, Nafarroako hainbat lurraldetan garatu diren prozesu indartsuen balioa nabarmentzea, hainbeste lagun migratzaile eta arrazializaturen konpromisoa, aste honetan LABek apustu berri hau aurkeztu ahal izatea ahalbidetu baitute nolabait.

Ildo horretan, LAB sindikatuan arrazakeriaren aurkako sindikalismoaren plan estrategiko bat daukagu jada, prozesu kolektibo baten emaitza izan dena. Bada, etzi, larunbata, Bilboko Bira Kultur Gunean (Alde Zaharreko Erronda kalean) egingo dugu jendaurreko aurkezpena, eta bertan aletuko ditugu xehetasun guztiak. 11:00etatik aurrera izango da hitzordua.

AZKEN ALBISTEAK | ÚLTIMAS NOTICIAS

PIMESA enpresan akordioa #LortuDugu

LABen oso positiboki baloratzen dugu akordioa, langileen ekimen mobilizatzaileari esker lortu dena.

Gipuzkoako Metalaren merkataritzaren sektorean aurreakordioa erdietsi dute 

Duela urtebete hasi ziren sektoreko gure ordezkariak hitzarmena berritzeko asmo handiko proposamen bat garatzen, bi helburu nagusiekin: Gehiengoa duen sindikatua bultzatu negoziazio mahaia deitu zezan eta patronalak negoziatzera eser zitezen derrigortu.

Arabako egoitzetan premiazkoa da hitzarmen duina

Greba eguna da gaurkoan sektorean, eta goizean kalejira egin dugu Gasteizen, patronalari mugiarazteko exijitzeko eta aldundiak ere esku har dezan eskatzeko. Arratsaldean, 18:00etan, beste hitzordu bat daukagu, Desamparadas plazatik abiatuta.