2024-02-29
HomeIndustriaEnergiaLABeko 21 kide inputatuak izan dira Iberdrolaren joko zikina salatzeko eginiko protesta...

LABeko 21 kide inputatuak izan dira Iberdrolaren joko zikina salatzeko eginiko protesta ekintza baketsu batengatik

Orain dela 7 hilabete, martxoaren 22an, Iberdrolaren azpikontrata den Konecta enpresan egiten ari ziren kaleratzeak salatzeko martxan jarritako borrokaren barruan, LABeko hainbat kidek Iberdrola dorrearen atarian (Bilbon) ekintza baketsu bat burutu zuten. Bilera bat eskatzeko helburuarekin bertaratu ziren, eta erantzuna jaso bitartean eserialdia egitea erabaki zuten.

 Iberdrola langileen kontura aberasten. !No a la criminalización de la protesta!

Iberdrolak, inongo jaramonik egin gabe, Ertzantzari deitu zion, ekintzan parte hartzen ari ziren lagun guztiak bertatik kanporatu, eta haien kontrako salaketa jarri zuen. Ondorioz, 21 pertsona inputatu dituzte desorden publikoak leporatuta, zer eta Iberdrola sortutako prekarietate egoera salatzeko protesta baketsu bat egin izanagatik. Datorren astelehenean, urriak 29, Bilbon izango da epaiketa.

Konectako langileak, bizi zuten eta bizi duten egoera salatu behar dugu berriro.
Konecta enpresa Iberdrola multinazional espukulatiboaren azpikontrata bat da. Bertan 340 langile aritzen ziren lanean, eta azkeneko urteotan, plantila 260 pertsona arte murriztu da. Enpresa honek, Iberdrolaren eskutik, Gueñesen lan zentrua ezartzeagatik, erakunde publikoetatik laguntza ugari jaso izan du. Baina aldi berean, lan baldintza oso kaskarrak ezartzen dizkie langileei, eta haiek estatu mailako hitzarmen merke eta desarautu baten eraginpean daude. Ikusita zenbat langile kaleratzen ari ziren, LABek egoera salatzeko ekimenak hastea erabaki zuen, argi izanik Gueñeseko lan zentroaren etorkizuna eta langileen etorkizuna kolokan ipintzen zutelako. Konecta Iberdrolaren telefono bidezko arreta zerbitzuaz arduratzen da, erraz deslokalizatu daitekeen zerbitzua da, beraz.

Iberdrolarentzat lan egiten duten langileen errealitatea da hori. Eta bien bitartean, multinazional horrek 2012ko lehen hilabeteetan 2400 milio € irabaziak izan ditu, iaz baino %12 gehiago. Argi geratzen da krisia langileak pairatzen duten bitartean, multinazional espekulatiboak irabazi lotsagarriak lortzen jarraitzen dutela.

Eta nondik datoz irabazi hauek? Alde batetik, eta Gobernuaren kolaborazioarekin, biztanle guztiei argi indarraren prezioa igoz, eta bestetik, langileen esplotazioaz, Konecta azpikontratan argi geratzen denez.

Iberdrola dorrean eginiko ekimen baketsuaren helburua azpikontrateko langileak, —multinazionalak egundoko irabaziak lortzeko— jasaten duten egoera salatzea izan zen, besterik ez. Esplotatuak izaten ari direnekin elkartasuna adierazteagatik auziperatuak izateak erakusten du kapitalaren diktaduran bizi garela.

Iberdrolak bere joko zikinak salatzeko egiten diren ekimenak kriminalizatu nahi ditu, beren interesen kontra doan edozein protesta isilarazteko. 21 inputatuek 10 eta 60 egunetako isunak jaso ditzakete, eguneko 10etik 30era euro bitartean, guztira 37.800 euro suposa ditzaketenak.

Iberdrola esplotazioaren txapeldunetako bat da, eta LABen lehen, orain eta beti salatuko ditugu horrelako portaerak. LABen, zigor eta inputazioen gainetik, borrokan jarraituko dugu, langile zein herriaren eskubideak bermatzeko.

AZKEN ALBISTEAK | ÚLTIMAS NOTICIAS

SKOLAEren kontrako azken erasoa salatzen dugu

Administrazioari eskatzen diogu har ditzala beharrezko neurriak ikastetxeetan aniztasunaren aldeko programa hau aurrera eramaten dela bermatzeko. Hezkidetzan eta feminismoan oinarritzen den programaren aurkako enegarren erasoa da hau, eta LAB sindikatuan ez dugu onartuko horrelako eraso gehiagorik!

Envases multinazionalak 68 kontratu iraungitzeko Enplegu Erregulazio Espedientea aurkeztu du

Envases Universal 7 lantoki dituen multinazionala da, horien artean Ugaokoa, 108 langile dituena. 2023ko uztailera arte lantoki hori Domiberiarena izan zen, harik eta Envases Universal enpresak ordura arte Domiberiarenak ziren lantokiak erosi zituen arte, hain zuzen ere. Aste honetan, multinazionalak Enplegua Erregulatzeko Espedientea aurkeztu du, Ugaoko eta Montmeloko zentroen artean 68 lanpostu iraungitzeko ekoizpen- eta antolaketa-arrazoiak argudiatuta.

Eraso judizialen aurrean, euskaraz lan egin eta bizitzeko eskubidearen aldeko mobilizazioetan parte hartzera dei egiten dugu

Botere judizialak euskararen aurka egiten dituen erasoek ez dute etenik. Azken egunotan, Bizkaiko Foru Aldundiaren enplegu publikorako hautaketa-prozeduren aurkako bi epairen berri izan dugu. Deialdi horiei lotutako hizkuntza-eskakizunen betekizuna da zalantzan jartzen dena. Diskriminatzailetzat jotzen da euskara eskatzea, enplegu publikoak baldintza berdinetan eskuratzeko oinarrizko eskubidea urratzen duela argudiatuta. Sententzia zentzugabekeria juridiko izugarria da, inolako oinarri juridikorik gabe euskararen normalizazioaren aurka egitea du helburu bakarra.