2024-02-26
HomeGobernu BerriaLABek, Urkullu Lehendakariarekin burutuko duen bileran, eskaera zehatzak jarriko ditu mahai gainean

LABek, Urkullu Lehendakariarekin burutuko duen bileran, eskaera zehatzak jarriko ditu mahai gainean

Gaur, otsailak 19ko bileran, LABek Urkullu Lehendakariari PNVk behingoz aldaketa sozialaren eta erabakitzeko eskubidearen alde egin dezala eskatuko dio: aldaketa soziala, gaurko egoera ekonomiko eta sozialaren aurrean; erabakitzeko eskubidea, euskal instituzio eta eragileoi dagokigulako krisiak hemen behar duen alternatiba eraikitzea.

Azken urteetako politikak segidismo hutsa izan dira. Madrileko politikak hemen aplikatzea eta Madriletik ezarritako bidetik ez ateratzea izan dira helburuak. Emaitzak bistakoak dira: enplegu suntsiketaren abiadura ikaragarria da, ez da erabaki bat bera hartu bere momentuan bertoko ekonomiak erakusten zituen indar guneak garatzeko, ez da politika propiorik egin… Aitzitik, kontrako norabidean urrats garrantzitsuak egin dira. Bide horretatik jarraitzea suizidio politiko eta ekonomikora garamatza, abiadura gero eta lasterragoan, gainera.

Bide propio bat hartzeko arrazoiak soberan daude eta posiblea da:

− Legebiltzarrean erabakitzeko eskubidearen alde inoiz baino gehiengo handiagoa egituratzeko aukera dago. Honek erabateko aukera ematen digu Lan Harremanetarako eta Babes Sozialerako Euskal Esparruaren alde egiteko, bertoko eredu ekonomikoa garatzea helburua duten politika propioak gauzatzeko eta Madrilen aurrean gure bide eta erabaki propioak defendatzeko.

− Politikak aldatzeko eskaera soziala geroz eta handiagoa da. Bide hori egiteko babes soziala erabatekoa da eta, LABen aburuz, kontrako erabakia hartzea, hau da, ildo beretik datozen politika ekonomiko eta sozialak egiten jarraitzea erabakitzea guztiz okerra izango litzateke.

− LABek ondorengo hauek jotzen ditu lehentasunezkotzat: erreforma fiskala, eta ekonomia indartzeko eta eredu soziala ziurtatzeko plan oso bat hitzartzea. Plan honen ezaugarriak planifikazio publikoa eta inbertsio politika adostua izango lirateke.

Honetaz gain, LABek mahai gainean dauden lan auzi nagusien aurrean duen jarrera azalduko dio Lehendakariari: negoziazio kolektiboaren egoeraren inguruan, elkarrizketa sozialerako mahaiari buruz, Lan Harremanetarako Euskal Esparruaren aurrean lan sailak egin dituen adierazpenen balorazioa edota Confebasken aldetik EPSVtako dirua patronalaren esku uzteko dagoen eskakizunaren aurrean LABek duen jarrera, besteak beste.

Euskal Herrian, 2013ko otsailaren 18an 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.

Bizkaiko grafikagintzako patronalak atzerapauso gehiago dituen proposamena egin berri du

Otsailaren 22an, Bizkaiko grafikagintzako hitzarmeneko bederatzigarren negoziazio bilera egin da. Patronalak proposamen berri bat aurkeztu du, aurretik aurkeztutakoak baino baldintza txarragoekin honeko edukietan: iraunaldian, soldata igoeretan eta oporretan. Era berean, atzerapausoak mantentzen jarraitzen dute honako gaietan: lanaldiaren banaketa irregularrean, antzinatasuna, aldi baterako ezintasunen osagarriak, etab.

Mecanerreko trantsizio ekosozialerako plana aurkeztu dugu

Enpresa-batzordean gehiengoa dugun LAB eta ESKk enpresaren trantsizio-planaren jendaurreko aurkezpena egin dugu Urdulizko Kultur Etxean. Enpresaren itxiera saihesteko eta haren etorkizuna ziurtatzeko egindako txostena eta trantsizio ekosozialerako proposamenak ezagutarazi ditugu. Plana enpresa batzordeak egin du Garua kooperatibaren eskutik, eta Urdulizko Udalaren laguntza izan du.