2024-05-22
HomeEkintza PolitikoaUribetxeberria eta gaixorik dauden beste 13 preso politikoen kaleratzea exijitzeko kontzentrazioetan parte...

Uribetxeberria eta gaixorik dauden beste 13 preso politikoen kaleratzea exijitzeko kontzentrazioetan parte hartuko du LABek

Donostia Ospitalean burutzen ari den gose greba eta mobilizazioen barruan, bihar ostiralerako eragile sozial eta sindikalei parte hartzeko deialdia burutu die Herrira mugimenduak. LABetik Ainhoa Etxaide Idazkari Nagusiak, Sonia González Komunikazio Arduradunak eta Arantxi Sarasola Zerbitzu Publikoen Federazioko Arduradunak parte hartuko dute ospitale atarian burutuko den mobilizazioan.

Bestalde, egunero Donostia Ospitalean, hiriburuetan zein herriz herri Uribetxeberriaren muturreko egoera salatu eta bera eta beste preso gaixoen kaleratzea eskatzeko burutzen ari diren mobilizazioetan parte hartzeko deia egin die sindikatuak langile eta herritarrei. Zentzu honetan, garrantzia berezia hartzen du larunbatean Bilbon burutuko den manifestazio nazionalak. Mobilizazioa 12:30etan burutuko da, Euskalduna Jauregitik abiatuta.

Uribetxeberriaren egoera larriagotu ahala, kartzela eta kaleetatik hedatu da preso politikoen eskubideen aldeko aldarria. Bien bitartean, euskal preso politikoen eskubideekin kontrako kartzela-politikarekin jarraitzen dute estatuek, herritar eta eragileek kartzela politikan errotiko aldaketak eskatzen dituzten bitartean, garai politiko berriak eskatzen duen bezala.

Gaixotasun larriak eta sendaezinak dituzten presoak etxean egon behar dira. Lehenbailehen etxeratu behar dira. Ez da nahikoa hurbiltzea. Espainiar estatuari bere legeak betetzeko eta Iosu Uribetxeberria eta gaixotasun larriak dituzten beste hamahiru presoak berehala askatzeko exijitzen diogu. Instituzio, eragile eta herritarrei dei egiten diegu bide honetan konpromiso berriak hartzeko.

Euskal Herrian, 2012ko abuztuaren 16an

AZKEN ALBISTEAK | ÚLTIMAS NOTICIAS

Euskal hitzarmenen lehentasuna bermatuta, esparru propioaren eraikuntzan urrats gehiago eskatu ditugu

Aurreko erredakzioa hobetzeko LABetik egin genituen eskarietako batzuk aintzat hartu dira; ondorioz, Euskal Herriko langileek bertako hitzarmenen lehentasuna bermatu ahal izango dute.

Osakidetzako zuzendaritzak eta Osasun Sailak ikuztegiak publifikatzeari ekin behar diote, LABek lortutako EAEko Justizia Auzitegi Nagusiaren epaiaren ondoren

Eskaera formal bat aurkeztu dugu Osasun Sailean, Osakidetzan ikuztegi lanak publifikatzeko behar diren elkarrizketei ekiteko asmoz.

Gasteizko Francisco Vitoria institutuan lan-osasun arloko prebentzioa bermatzeko exijitu dugu

Ikastetxeko langileek eta sindikatuok elkarretaratzea egin dugu Gasteizko Hezkuntza Ordezkaritzaren aurrean. Hezkuntza Sailak eta ikastetxeko zuzendaritzak uko egin diote arrisku psikosozialen ebaluazioa egiteari.