2024-05-30
HomeIndustriaZurgintzaLABek positiboki baloratzen du Nafarroako Zurgintza sektorean lortu den akordioa

LABek positiboki baloratzen du Nafarroako Zurgintza sektorean lortu den akordioa

LAB sindikatuak positiboki baloratzen du Zurgintza sektorean LAB, UGT eta CCOO sindikatuen eta ADEMAN nahiz ACEM sektoreko patronalaren artean lortu den akordioa.

Akordio honi esker, Herrialdeko Sektoreko Hitzarmen Kolektibo bat izango dugu, estatu mailako eremuan lehentasun aplikatiboa izango duena. Halaber, hobekuntza gehiago jasotzen ditu hitzarmen honek, besteak beste, kasu guztietan eta modu orokor batean derrigorrezko arbitrajea baztertzea, eta ondorioz, desadostasunak aldeen arteko akordioaren bidez konponduko dira. Era berean, ultraktibitateari dagokion atala ere hobetzen da, erreformak jarritako muga gaindituz,herrialdeko hitzarmenaren iraunaldiaren amaieratik aurrera bi urteko epea finkatuz, eta horrekin guztiarekin batera, soldata hobekuntza ere jasotzen du hitzarmenak.

LABetik positibotzat jotzen dugu Nafarroako egurraren sektoreko hitzarmen hau, erreformaren aurrean blindajea eskaintzen digulako, negoziazio eremu propioa indartzen duelako, eta sektoreko langileentzat gutxieneko baldintza batzuk bermatzen dituelako. Horiek enpresa eremuan aplikatzea defendatuko du LABek.

LABek espero du sektore honetako langileen mesedetan, hitzarmena sinatu dugun eta sinatu ez duten sindikatuek, guztiok defendatuko dugula herrialdeko hitzarmen hau erreformari aurre egiteko tresna gisa.
 

 

 

AZKEN ALBISTEAK | ĂšLTIMAS NOTICIAS

Kanakyar herriari elkartasuna adierazi diogu bertako askapen mugimenduko ordezkariekin izandako bileran

Igor Arroyo koordinatzaile orokorrak, Argitxu Dufau Ipar Euskal Herriko arduradunak eta Koldo Saenz Nazioarteko idazkariak osatutako LAB sindikatuaren ordezkaritza bat, FLNKSeko (Kanakyako Nazio Askapen Mugimendu Sozialista) ordezkaritza batekin bildu dira. Kanakyatik etorritako ordezkaritza FLNKSeko exekutiboko kide eta Kanakyako gobernuko kanpo aferen arduraduna den Mickael Forrestek eta FLNKS-eko exekutiboko kide nahiz Batasun Kaledoniarreko Komisario Orokor ondokoa den David Wanabo-k osatu dute.

Pentsio sistema publiko propioaren norabidean eginiko proposamena jendaurrean aurkeztu dugu Iruñean

LAB sindikatuaren Haritik argitalpenaren ale berrian, pentsio sistema publiko eta propio baterako gure proposamena bildu dugu, hiru zutabe nagusi dituena: zaintzagatiko pentsioa, trantsizioa bideratzeko sistema osagarri publiko, unibertsal eta birbanatzailea eratzea eta Gizarte Segurantzaren arloko eskumen osoa keskuratzea. Gaur Iruñean, proposamen hori Nafarroako zenbait eragile sozial eta politikori aurkeztu diegu, Amanda Verrone politika publikoen azterketarako arduradunaren eta LABeko bozeramaile Imanol Karreraren eskutik.

Askatasun sindikala defendatu dugu gure jarduna oztopatzeko saiakeren aurrean

11 langile baino gutxiagoko enpresa oso txikietako hauteskunde sindikalak (TPE deitzen ditugunak) 2024ko azaroaren 25etik abenduaren 9ra iraganen dira Ipar Euskal Herrian.