2025-02-12
HomeIndustriaMetalgintzaLABek gogor salatu nahi du La Naval enpresak aurrera eraman nahi duen...

LABek gogor salatu nahi du La Naval enpresak aurrera eraman nahi duen kontratazio politika basatia

Pasadan astean La Navaleko zuzendaritzako iturriek publiko egin zuten Euskal Erkidegotik kanpoko langileak kontratazera behartuta zegoela, hemen lan hori egiteko kualifikazio nahiko duten langileen falta dagoelako. Jarrera honekin Bizkaiako Metalgintzako Patronalak egindako mezuari jarraipena ematen diote langabezian egotearen ardura langilean eta bere prestaketa faltan kokatuz. Noski, kontratazio politikaz eta atzean doan langileen eskubide lapurretaz irabaziak biderkatzeko ez dute ezer esaten. LABek bat egiten du Sestaoko Langabetuen Kolektiboak eta Langabetuen Asanbladak biharko deitutako mobilizazioekin.

Nonbait badago esperientzi nahikoa sektore horretan, hori Euskal Herrian da, hare gehiago, langabezian luze daramanten langileak eta formazio nahiko eta esperientziadunak soberan daude ezkerraldean. Gazte kulaifikatuak ere soberan daude, baina eredu honetan gazte langile hauentzako irteera Alemaniara joatetik pasatzen da zoritxarrez.

Elite ekonomiko eta politikoak behin eta berriz errepikatzen dute hazkunde fasean sartuta gaudela eta hori positiboa dela, baina mezu honen atzean ezkutatzen dute hemendik aurrera inposatu nahi duten lan harreman eredua. Erabat prekarioa. La Navaleko deklarazioek berriro ere agerian uzten dute Euskal langileriarentzat ez dagoela eskubideetan oinarritutako eskaintzarik; prekarietatea, aldi baterako enpleguan eta inposaketan oinarritzen da dagoen eskaintza bakarra.

Berriro ere, eta enpresari hauen deklarazioak eta gero, Industriako Sailen isiltasuna langileekiko duten sentsibilitate faltaren adierazle da. La Navaleko jabeek lan karga arazoak eduki dituztenean Sailburuak edukitako inplikazioa oso ezberdina izan da. Enplegu Sailak espero dugu ezberdin jokatzea eta kontratazio eredu horren aurrean hartu behar diren erabakiak hartzea egon daitezkeen egoera ilegalak eta, langileak indefentsioan utzi ditzaken egoerak eman ez daitezen.

Guzti honengatik LAB Sindikatuak bat egiten du Sestaoko Langabetuen Kolektiboak eta Langabetuen Asanbladak deitutako mobilizazioekin, hau da ekainaren 11an goizeko 11etan Sestaoko Kasko Palzatik aterako den manifestazioarekin.
 

 

 

AZKEN ALBISTEAK | ÚLTIMAS NOTICIAS

DBIZIko langileek bigarren egunez 2 ordutako lanuzteak egin dituzte bizi duten egoera prekarioa salatzeko

Enpresarekin bi aldiz bildu eta gero, ez dute gatazka konpontzeko borondate handirik ikusten eta Aldi Baterako Enpresa Elkartea osatzen duten enpresek ardura nagusia Udalarena dela diote, eta honek ezer egin ezean ezinezkoa izango da konponbide bat ematea.

7 lanuzte 7 egunetan Nafarroako irakaskuntza publikoan

Hezkuntza Departamentuaren jarrera itxiaren aurrean, gehiengo sindikalak mobilizazioak iragartzen ditu hurrengo asteetarako.

CENeko enpresaburuek eta UGT eta CCOO sindikatuek bertan behera utzi dute Nafarroan gutxieneko soldata negoziatzeko bilera

Gaur bilera bat egin behar zen Iruñean Nafarroako lurraldean lan egiten duten langileentzako gutxieneko soldata edo ordainsariari buruzko lanbide arteko akordio bat lortzeko negoziazio mahaia eratzeko. CENeko enpresaburuak eta UGT eta CCOO sindikatuak, Zuzenbidearekin bat etorriz deituak izan ondoren bertaratuko zirela baieztatu zutenak, azkenean ez dira bilerara joan, komunikabideei egindako deia nola egin zen aitzakiatzat hartuta. Hala, bilera hasi baino bost minutu lehenago jakinarazi dute ez direla bertaratu.