2025-02-11
HomeErrepresioaLABek gogor salatu nahi du Espainiar Estatuak abiatutako azken polizia operazioa

LABek gogor salatu nahi du Espainiar Estatuak abiatutako azken polizia operazioa

LABetik gogor salatu nahi dugu gaur arratsaldez Euskal Preso Politikoen Kolektiboak eman duen urratsaren kontra Espainiar Estatuak abian duen operazio errepresiboa. Egoeraren larritasunak gogoeta pausatu eta sakonago bat eskatzen badu ere, premiazko lehen erreakzio moduan salatu nahi dugu gaurko operazioa kolektiboak egin urratsa kolpatzeko helburuarekin antolatutako operazio polizial, politiko eta mediatiko bat dela. Era berean LABek dei egiten die langileei presoen eskubideen alde kalera ateratzeko.

Ezaguna da Estatu espainiarrean mendeku gogoa Euskal Herriko gatazka konpontzeko bidean ekarpenak egiten dituen guztiaren kontra. Areago, presoen eremua denean, honek Euskal Herriaren egoera modu positiboan astintzeko gaitasuna baitu eta Estatuaren inmobilismoa euskal jendartearen aurrean biluzteko gaitasuna ere bai. 


Gaur bistakoa da, oraindik eta bistakoagoa posible bada, Estatuaren izaera errepresibo eta antidemokratikoa; eta bistakoagoa, beraz, gure bidea egiteko premia; gure kabuz Euskal Herrira bakea eta demokrazia ekarriko duen bidea egiteko premia. Momentua da konpromiso berriak hartzeko, konpromisoetan sakontzeko, momentua da euskal eragileon artean konponbide prozesua azken muturrera eramateko ibilbidea marrazteko. Indartu dezagun horretarako euskal eragile politiko, sindikal eta sozialen arteko elkarlana. 


Joan den igandean presioa indartzeko eta mobilizazioaren bidez inmobilismo politikoak gainditzeko egin genuen deia indartu nahi dugu gaurko erasoaren aurrean. Atera gaitezen kalera euskal presoen eskubideak defendatzeko, egin dezagun gurea espetxe politika aldatzeko borroka, bide hori oztopatzeko eta eragozteko erasotu dituztelako presoen abokatuak eta mintzakideak. 


LABetik langileei dei egiten diegu operazio honen salaketa lantokietara eramatera, presoen eskubideen aldeko borroka eta presoak etxeratzeko aldarria lantokiz lantoki eta langilez langile bazter guztietara zabaltzera. 


Euskal 
Herrian,
 2014ko 
urtarrilaren 

LAB sarean
{module[111]}
 

AZKEN ALBISTEAK | ÚLTIMAS NOTICIAS

Bizkaiko eraikuntzako patronalak ez du sektoreko langileen lan-baldintzak hobetzeko inolako asmorik

Gaur, 2025eko otsailaren 10ean, Bizkaiko Eraikuntzaren Sektoreko Hitzarmen Kolektiboa berritzeko 4. negoziazio mahaia izan da.

Lortu dugu! 16 urteren ondoren Haurreskolak Partzuergo Publikoko lan hitzarmena sinatu du LABek

Beste behin borrokak merezi duela baieztatu dugu. Azken urteetan hamaika greba eta mobilizazio burutu ostean, azken biak pasa den urtarrilean eta eskola publikoko greba ziklo honen otsaileko bi greba egunen atarian, Eusko Jaurlaritza posturaz aldatzera behartu dugu.

LABen iritziz urgentea da etxeko langileentzako hitzarmena

LABeko etxeko langileen atal sindikalak, Bizkaiko, Gipuzkoako eta Nafarroako etxeko enpleguarekin lotutako kolektibo eta erakundeekin batera, kaleak hartu ditu berriro ere sektore horretako lan-baldintza jasanezinak salatzen jarraitzeko eta langile horientzako eskubideak aitortzeaz arduratu beharko luketen erakundeen interes falta salatzeko. Hala, mobilizazioa egin du gaur Bilbon, Justizia Jauregiaren aurrean. Bihar asteartea, Donostian mobilizatuko da, Lan Ikuskaritzaren aurrean, eta asteazkenean Iruñean beste horrenbeste egingo du, Udaletxe plazan.