Jose Luis Landeta eta Luis Miguel Castañiza, Guardian Llodio enpresako langileak izan dira 25 urte baino gehiagoan, eta urte horietan guztietan Amiantoarekin kontaktuan egin dute lan. Biek asbetosi gaixotasuna dute, amiantoarekin izandako kontaktuaren ondorioz sortutako patologia. Gizarte segurantzak ez du laneko gaixotasun gisa onartu eta epaitegietara jo behar izan dute.
Sententzi honetan epaileak argi uzten badu ere langile hauek pairatzen duten gaixotasuna amiantoarekin lan egindakoaren ondorioa dela, eskumen falta argudiatuz uko egiten dio gaixotasun profesionala aitortzeari. Honen aurrean LABek errekurtsoa sartu du langile hauen ezgaitasun iraunkorra gaixotasun profesionala izendatua izan dadin.
Ez mutuek, ez gizarte segurantzak eta ez Osakidetzak, ez diete behar bezalako jarraipen eta diagnostikorik egin bi langile hauei.