Biharko Mahai Orokorra (EAE) deitua izan dela kontutan izanik, LAB sindikatuaren jarrera gai ordenaren garapenaren araberakoa izango da. Aurreko deialdirako lanaldiaren luzapena zekarren 173/2013 dekretua gai zerrendan gehitzea eskatu genion Administrazioari idatziz ere.
LABetik argi ikusten dugu, dekretuz ezarritako alde bakarreko erabaki honek negoziazio kolektiboari eraso bortitza egiteaz gain, azken 30 urtetan eskuratutako lorpen handienetakoa suntsitzen duela; zutabea langileen eskubideen lorpenetan.
Horregatik, funtsezkotzat jotzen dugu gai honen trataera mahai orokorrean, gehiengo sindikal eta sozialak aho batez eskatu duen moduan. 35 orduko jardunaren berreskuratzearekin, lanean ari diren pertsonen lan zama egokitu eta lanpostuak sortzeko bidea emango baitu.
Administrazioak guzti hau jakinik, “2014ko lanaldia” gaia-zerrendan sartu du. Gure jarrera, bertan adierazten denaren baitan egongo da.
{module[111]}
