2024-06-18
HomeZerbitzu PublikoakKomunikabideakLABek EITBko zuzendari kudeatzaile ohiaren aurka kereila jarri du

LABek EITBko zuzendari kudeatzaile ohiaren aurka kereila jarri du

2012ko urriaren 15ean LABeko EITBko delegatuek prentsaurrekoa egin zuten, eta bertan VILAU MEDIA S.L. enpresak eskatutako 700 mila euroko kreditu baten ondorioz EITB zorpetzera eraman zuela publikoki salatu eta epaitegietara jotzeko asmoa aurreratu zuten. Otsailaren 11n kereila dagoeneko epaitegian sartu eta atzo 26an, tramitera onartu zuen epaileak autoa idatziaren bidez.

Bertan kereilatuaren deklarazioa inputatu gisa hartzea onartzen da. «…aparece como esencial, con relevancia delictiva, el hecho de la prestación del aval y los intereses que, según la querella, tiene o tenía el querellado en la sociedad privada. Pero también, según la misma, otros testigos tendrían o habrían tenido la misma o similar relación de intereses.»

Kereila tramitera onartua izan da, delitu izan daitezkeen bi ekintzagatik: «diru publikoaren erabilera okerra eta delitu sozietarioak», ustez Juan Diego Casals EITBko zuzendari kudeatzaile edo gerente ohiak burutu izan dituenak.

Xehetasunetan sartu gabe, laburtzearren zera zehaztuko dugu: Andoni Ortuzarren baimenarekin 2005ean VILAU MEDIA enpresa sortu zen. EITBNETek kapitalaren erdia jarri zuen, eta Administrazio Kontseiluan Juan Diego presidente (EITBNETen izenean) eta J. Flórez idazkari moduan, bai eta bokale gisa Mikel Agirre (ETBren izenean), Javier Calera eta W. Kniejski jarri ziren. Gogoratuko dugu garai hartan Andoni Ortuzar EITBko zuzendari nagusia zela, Juan Diego zuzendari kudeatzailea edo gerentea, Mikel Agirre esplotazio zuzendaria eta Javier Calera denboraldi batean EITBNETeko zuzendaria.

Enpresa publikoaren kudeaketaz Ortuzarren taldeak ulertzen zuen praktika onartezin hau jada bere garaian salatu genuen. Halere, 2007an praktika horretan aurrerapausoa eman zuten, eta VILAUren administrazio kontseiluaren izaera erabat aldatu zen. EITBNET eta ETBren izenean baino, kide guztiak (TALDE izeneko sozietatekoa ezik) maila pertsonalean agertzen ziren: Juan Diego (idazkari moduan), Mikel Agirre eta EITBko zuzendaritzako kide ez ziren beste sei kide. EITBNETen kapital parte-hartzea %25ean gelditu zen, eta “beste batzuen” %20ko partea agertu zen. Hau da, Diego eta Agirre, EITBko zuzendaritzan egoteaz gain, EITBk kontratatzen zuen VILAUko enpresako administratzaileak ziren.

Batetik, Funtzio Publikoaren Euskal Legearen arabera batera ezina da. EITBko zuzendariek sailburuordeen statusa omen dute, eta ezin dute beste enpresaren batean parte-hartzerik eduki, publiko zein pribatu, bertan dirua eduki ala ez.

Bestetik, delituaren zantzuak dituena hau da: 2009an VILAUk BBKri kreditua eskatu zionean, honek kreditu osoaren abalista gisa EITB izatera baldintzatu zuen, eta ustez Juan Diegok EITBko zuzendaritzako kide bezala sinatu zuen abala. VILAUko administrazio kontseiluko idazkaria zela gogoratu, bi karguak batera.

Azkenik, EITBren sorrera legeak dio EAEko aurrekontuen arabera EITBri esleitzen zaion dirua EITBn gelditu beharko dela, eta diru honen kudeaketa sozietate publikoetan erabiliko da soilik.

Kereilaren detaileek argi uzten dute ardura penaletaz gain –horiek epaitegietan argitu beharko dira-, ardura politikoak ere badaudela tartean. Edo, hobeto esanda, arduragabekeria politikoak. EiTBren kudeaketa ez da izan ente publiko batena, baizik eta nork bere apetara egin eta desegin ahal duen ente partikularrarena, antza, eta interes arras ilunak uzten ditu agerian. Kudeaketa modu honek ondorio zuzenak izan ditu EiTBrentzat eta bere langileentzat: EiTBk BBKri 700.000 euro baino gehiagoko ordainketa hartu behar izan du bere gain 2012ko uztailean. Honek ekoizpen propioko programak desagertarazi ditu, honek langile taldearentzat ekarri zuen guztiarekin.

Momentu hauetan EiTBko zuzendaritza erabakitzen ari da eta benetan da larria diru publikoaren kudeaketa modu hauetan inplikaturik egon den taldearen aldeko apustua berriro ere egitea. Momentu hauetan ente publikoari, krisiaren aitzakiaz, murrizketa handiak egingo zaizkiola zabaltzen ari dira eta benetan da larria aipamen txikirik ere ez egitea EiTBko funts galeran arduradun zuzenen inguruan. Benetan da larria komunikazio ente publikoaren gaineko eztabaidari uko egitea eta den-dena zentratzea izen eta postu banaketa hutsean. 

 

LAB SAREAN
{module[111]}

    

AZKEN ALBISTEAK | ĂšLTIMAS NOTICIAS

Nafarroako etxebizitzen alokairuari buruzko datuek erakusten dute premiazkoa dela gaia legez arautzea eta parke publikoa zabaltzeko konpromiso handiagoa hartzea

Iragan ortziralean Nafarroako Estatistika Institutuak Etxebizitza alokatzeari buruzko estatistika argitaratu zuen. LAB sindikatuaren iritziz, ikerketa horrek berresten du merkatuak ez duela alokairuaren prezioa behar bezala erregulatzen eta premiazkoa dela lege eta administrazio neurriak hartzea. Azterlan horren arabera, alokairuaren hileko batez bertzeko prezioa 541,6 eurokoa da, baina azterketak berak onartzen du datu horrek ez duela islatzen alokairuko etxebizitza bat eskuratzeko prezio erreala, etxebizitza librearen prezioa askoz ere garestiagoa baita.

Gernikako Ospitalean erizainen eta erizaintzako laguntzaileak falta direla eta egoera kritikoa dela salatu dugu

Larrialdietako paziente kritikoei arreta ematean, triajean eta boxetan dauden pazienteen segurtasuna arriskuan jartzen da.

Eskola garraioaren hitzarmena desblokea dezatela exijitzeko mobilizazioa egin dugu

Kolektibitateen sektoreko patronalaren enpresetako bat den Eulenen aurrean izan da elkarretaratzea, Eusko Jaurlaritzako Hezkuntza Sailaren mendeko ikastetxeetako eskola-garraioko eta jolastokiko zaintzaileen hitzarmen kolektiboaren negoziazioaren blokeoa salatzeko.