2024-06-25
HomeZerbitzu PublikoakUdal eta Foru AdministrazioaLABek Bizkaiko Foru Aldundiaren lan-eskaintza publikoa salatzen du

LABek Bizkaiko Foru Aldundiaren lan-eskaintza publikoa salatzen du

Bizkaiko Foru Aldundiaren LABeko sekzio sindikalak Aldundiak onartutako Lan-Eskaintza Publikoa salatzen du. 2010. urtean bere buruari inposatutako murrizketak jarraituz Bizkaiko Aldundiak arrazoizkoa den baino plaza gutxiago duen LEP 2015 onartu egin du: 24 plaza (10 finantzen ikuskatzaile eta 14 suhiltzaile).

2014. urtean, hasieran onartutako LEPa oso eskasa izan zen (3 finantzen ikuskatzaile bakarrik) eta azken orduan 25 suhiltzaile plaza zuen LEP batez petatxatu zen. Tematu ondoren 2015. urtean berriz irizpide eskueutsia erabili dute birjarpen-tasa kalkulatzeko eta azpijokoz egindako kalkuluaren ondorioz, plaza kopurua 2014. urtekoa baino murritzagoa izango da. Guztiz zentzugabea 2014. urteko birjartze-tasa %10koa baitzen eta 2015. urtekoa %50ekoa.

Temati egon gara negoziazio mahaian eskainitako plaza kopurua handitu zezaten baina ez dute jaramonik egin. Gure ustez, momentu egokia da azken urteetako joera aldatzeko eta behintzat lehentasuna duten alorretan dauden bete gabeko plazak ateratzeko, esaterako zerga-iruzurraren aurkakoak (gestio, zerga-bilketa eta ikuskaritza) edota gizarte ekintzakoak (haurrak, mendekotasuna, eta abar) baina ez dugu erantzun positiborik jaso.

Bestetik, salatu egin nahi dugu hain iragarrita izan ziren 2015. urteko aurrekontuetan sortutako zerga-iruzurraren aurkako 20 plazak oraindik bete gabe daudela eta hauek guztiak edo zati handia ekitaldian beteko ez direnaren itxura dauka. Gure ustez hau, herritarrei egindako iruzur garbia da.
 

 

 

AZKEN ALBISTEAK | ĂšLTIMAS NOTICIAS

Ilundain gizarteratze eta laneratze enpresarekin adostu dugu bigarren hitzarmenak erosteko ahalmena bermatzea eta atxikimendu sozioafektiboa barne hartzea

Hilabete batzuetako negoziazioen ondoren, LAB sindikatuan —ordezkaritza sindikal osoa baitugu— akordioa lortu dugu Nafarroako Ilundain gizarteratze eta laneratze enpresarekin, bere bigarren hitzarmena sinatzeko. Hitzarmen horrek nabarmen hobetzen du aurrekoa, soldata taula osoan KPIaren igoera ziurtatzen du, eta, lehenbiziko aldiz, aukera ematen du langile bakoitzak ordaindutako baimenak lor ditzan ahaidetasunik gabeko pertsonen zaintzarako.

Zerbitzu publikoak indartzeko hitzetatik ekintzetara pasatzeko eskatu diegu EAEko erakunde eta alderdiei

Sindikatuok elkarretaratzea egin dugu gaur Espainiako Gobernuak Gasteizen duen ordezkariordetzaren aurrean, enplegua eta langile publikoen soldatak hemen erabakitzea aldarrikatzeko.

Duela hamar urte eroritako Nafarroako Industria Grafikoaren hitzarmen kolektiboa berreskuratzearen alde gaude

Gaur goizean Iruñean eman dugun prentsaurrekoan azaldu dugu Nafarroako Industria Grafikoaren hitzarmena 2014an erori zela, eta ordutik sektoreko langileen lan baldintzek nabarmen egin dutela okerrera. LABen uste dugu badela garaia tresna hura berreskuratzeko eta langileen baldintzak duintzeko; horregatik, udaren bueltan sektoreko intersindikala deituko dugu.