Atzo Muruetan Bizkaiko EHNEk izan zuen biltzarrera gonbidatuak izan ginen, eta LABen ordezkaritzan Ingurumen Idazkaria den Urtzi Ostolozagak parte hartu zuen.
Langileak eta LAB sindikatuak proiektu horren alde egingo du lehen sektorearen aliatu izanik, horretarako konpromesua hartzen dugu. Baserritarren lan eta bizi baldintzak, ingurumena, elikagaiak babestuko ditugu langileok, eta horretarako proiektu politikoa elikadura burujabetza dugu. Eguneroko elikadura ohiturak aldatzera, baserritarrekin harreman zuzena izatera, aldiko produktu hurbilekoak kontsumitzera konprometitzen gara, halako iraultza txikiek ereduaren aldaketa ekarriko dutelako.
Biltzarraren amaieran, talde argazki hau atera genuen, bertan Jone Amezaga EHNE Bizkaiko kide baten alaba LIBRE nahi genuela aldarrikatu genuen, bere aurkako montai polizial baten ondorioz kartzelaratzeko agindua eman dutelako.