LABek atzo, hilak 9 Arabako Metalgintzako Mahaiaren bezperan, mobilizazio ezberdinak egin zituen “SEA, UGT-CCO, Arabako langileei iruzurrik ez, Metaleko hitzarmena duina eta blindatua” lelopean.
LABek ez du onartzen iruzur hori eta dei egiten die sindikatu horiei gehiengoak errespetatzeko. Ez zen inolaz ere legitimoa izango, hauteskunde sindikalen epealdian egonda, langileen %33a ordezkatzen dutenek gutxiengoan sinatzea.
Guk gure presentziaren suspentsioa mahaian mantentzen dugu negoziaziorik egon ezean, ezin baitiogu egoerari normaltasun irudia eman. Aldi berean, gure prestutasuna berretsi nahi dugu hitzarmena gehiengoan sinatzeko, beti ere akordioa batean oinarritzen bada, bere aplikazioa ziurtatuta badauka eta langileon lan baldintzak mantentzen baditu. Norabide horretan jarraituko dugu lanean, mobilizatzen eta ekimenak martxan jarriz.