2023-12-11
HomeIndustriaMetalgintzaLABek beharrezko jotzen du CONDESA taldeko lanpostuen defentsan mobilizatzea

LABek beharrezko jotzen du CONDESA taldeko lanpostuen defentsan mobilizatzea

Uztailaren 14an, Condesa taldeak hartzekodunen aurrekonkurtsoa aurkeztu zuen bere lantegi guztiei eraginez. Euskal Herriari dagokionez, aurrekonkurtso honek Legutioko CONDESA FABRIL-i eta CONDEXA INOX-i, Berako ZALAIN TRANSFORMADORES-i eta Berriobeitiko (Iruñea) PERFIL EN FRÍO-ri eragiten die. Euskal Herrian bakarrik, guztira, 700 lanpostu baino gehiago daude arriskuan.

Hartzekodunen aurrekonkurtso honen eskaera Condesa Taldeko Zuzendaritzak azken hilabeteotan bideratu dituen hainbat neurrien jarraipen eta ondorio da. Horren adibide, Condesa Fabril eta Inoxeko lantokietan bideratu ziren aldi baterako Enplegua Erregulatzeko Espedienteak ditugu. Hauen aurka egin zuen LAB sindikatuak, zergatiei buruzko informaziorik eta argudiorik ematen ez zelako, eta Zuzendaritzak bere langileen enpleguari dagozkion konpromisoak lotzeko asmorik agertzen ez zuelako.

LABek badaki Condesa Taldeko jabeek eraman gaituzten egoera, haien kudeaketa okerraren ondorio dela. Condesa taldeak Euskal Herrian dituen lantokiak errentagarriak dira, lan-karga daukate eta merkatu egonkor eta sendo batean dihardute.

Abagune honetan, ulergaitza lirudike lanpostu bakar bat ere suntsitzea. Helburu horretan, LAB borrokatuko da lantegietako jarduerari eta enpleguari eutsi dakien, eta zuzendaritzari eskatuko dio bideragarritasun egitasmoa aurkez dezan.

Era berean, Gasteiz eta Iruñeko administrazioei eskatuko diegu ekin diezaioten gure industria-ehunaren defentsari eta ez dezaten utz errentagarria den eta lan-karga duen jarduera galtzen, 700 lanpostu zuzen baino gehiago eta beste zeharkako hamaika deuseztatuz. Arabari eta Nafarroari ekarriko lizkieken gizarte-ondorioak larriak lirateke.

LABen iritziz Condesako jarduerari eta enpleguari eusteko eta haiek babesteko erarik eraginkorrena langileen mobilizazioa piztea da.
  

 

 

AZKEN ALBISTEAK | ƚLTIMAS NOTICIAS

Lizarran erditzeko zerbitzua itxi izana Osasun Departamentuaren aurreikuspenik ezari egozten diogu, haren utzikeria eskualdeko osasun zerbitzu publikoak desegiten ari baita

LAB sindikatuan hilabeteak daramatzagu Lizarrako Osasun Barrutiko osasun zerbitzu publikoen egoera larria salatzen, eta duela aste batzuk informazio kanpaina bat egin genuen datu ofizialen bidez frogatzen zuena Estellerriko herritarrak sufritzen ari direna egiazkoa dela, eta ez sentsazio hutsa. Orain, aurreko gerentearen kudeaketa tamalgarriak eta Osasun Departamentuaren ekimenik ezak eskualdeko ospitalea erditzeko zerbitzurik gabe utzi dute, zerbitzua berreskuratzeko datarik gabe, bere garaian etxeko ospitalizazioarekin gertatu zen bezalaxe.

Estatuan baino gutxiago ordaindu beharko dutenez, Fortuna Handien gaineko Zergaren inguruko akordioak patronalari eta kapital errentei mesede egiten die

Ditugun eskumenak presio fiskala areagotu eta zerga sistema sakonki eraldatzeko baliatu behar direla uste dugu LAB sindikatuan. Hala, EAJ-PSEren gobernuak Elkarrekin Podemosekin egindako akordioa ez da inondik inora ere nahikoa, eta kontrako norabidean doa.

Salatzen dugu atzo Erandion hildako langileak 66 urte zituela eta bakarrik ari zela soldadura lanak egiten

Lankide, senitarteko zein lagunei elkartasuna adierazteaz gain, lan-erreformek prekaritatea areagotu baino ez dutela egin nabarmendu du sindikatuak, lan-osasuna bermatu behar duten instituzioek gaiarekiko duten axolagabekeria kritikatzeaz gain.