Herrirak deituta, presoen eskubideen alde bihar larunbata Durango egingo den mobilizazioari bere atxikimendua ematen dio LAB sindikatuak eta, bidenabar, Lipdub erraldoian parte hartzera animatu nahi ditugu euskal langileak eta herritarrak, orohar.
Bizi dugun aro politiko berrian espainiar zein frantziar Gobernuek indarrean mantentzen duten espetxe politika anker horrekin behin betiko amaitzeko urratsak eman behar dituzte; lehentasunezko aldarria da hori, premiazkoa. Giza eskubideen aitortza izanik jokoan, oinarrizko giza eskubideak urratzen jarraitzeak ondorio atzeraezinak ditu gaixo diren presoen kasuan, edota, bizi osorako espetxe zigorra ezarriz kondena betea duten presoekin egiten ari diren moduan.
Mobilizazio bidez euskal presoen eskubideen aldeko aldarria indartu eta lau haizetara zabaltzea dagokigu euskal eragileoi eta jendarteari. Gogoratu behar dugu bihar Durangon egingo den ekimena urtarrilaren 12an euskal preso politikoen eskubideen alde egingo den manifestazio nazionalaren atarikoa izango dela. Bihar Durangon eta urtarrilaren 12an Bilbon, euskal langileok, euskal jendarteak, baditugu bi hitzordu garrantzitsu.
LABen txokoa
Eguerdiko 15:00etan emango zaio hasiera Landakon LIPDUPari eta LABeko kideei arratsaldeko 16:00etan Durangoko Artekalearen 41. zenbakira laneko arropak jantzita joateko deialdia egin dute.
Eguerdiko 15:00etan emango zaio hasiera Landakon LIPDUPari eta LABeko kideei arratsaldeko 16:00etan Durangoko Artekalearen 41. zenbakira laneko arropak jantzita joateko deialdia egin dute.
