2025-05-21
HomeZerbitzu PribatuakElikagaigintzaLABek Arriaundiko gozogintza ataleko langile guztien subrogazioa eskatzen du

LABek Arriaundiko gozogintza ataleko langile guztien subrogazioa eskatzen du


Uztailean Arriaundi S.L. enpresak, gozogintza eta okindegi atal banaren jabe denak, Bingen Vizcarra arduraduna buru duela, planteatu zuen amaiera Enplegu Erregulazio Espedientea erretiratzea erabaki zuen langileen presioaren aurrean. Hauek greba mugagabea eta mobilizazio ezberdinak egin zituzten.
Momentu horretan LABek argi utzi zion enpresari ez zituela bere planteamenduak onartuko Arriaundi S.L.ko gozogintza ataleko langile guztien defentsa mahai gainean ez zegoen bitartean.

Azken bileran, planteatu zitzaigun dagoeneko ez zela gozogintza atala itxiko eta argi zuten gauza bakarra, eta horrela planteatu zitzaigun, lanpostuak amortizatuko zirela izan zen. Hitz polita lankideak kaleratu egingo dituztela adierazteko.

Batzuk subrogatuak diren bitartean (enpresaren aldebakarreko erabakia langileen batasuna zatitzeko ahalegina), beste batzuk kaleratuak izango dira miseriazko kalteordain batekin, horixe zelarik enpresaren hasierako asmoa. Legeak babesten ditu eta bere ostean izkutatzen dira zatitzen ahalegintzeko eta oso urruna ez den etorkizun batean euren helburuak betetzeko, behin betiko gozotegia ixtea.

Hau ez da nahikoa LABentzat. Ez da inongo momentutan egon planteamendurik enplegua mantentzeko edo irteera ez traumatikoak sustatzeko eta okerrena da eurek euren buruei planteatu ere ez dietela egin.

Okindegi-ataleko ELA eta CCOOeko delegatuen sumisioa lortu ondoren, soldata jaitsiera iraunkorra sinatuz, gozogintza atala soberan dute. Soberan dute gozogintza ataleko langileek euren lanpostuen alde borrokan egiteko eta burua ez makurtzeko determinazioa hartu dutelako, ELA eta CCOOeko delegatuek egin dutenaren kontrara.

Gozogintza ataleko langileak zuzendaritzak erakutsitako inpunitate eta harrokeriaren aurrean erantzuten ari dira, duintasunez. Langileen %100ak babestu dituen mobilizazioekin hasi dira. Arriaundiko zuzendaritzak soberan ditu langile hauek eta hauek euren lanpostuen defentsan ari dira.

Argi dugu langile bezala gure lanpostuak defendatu behar ditugula guztiaren gainetik eta horrela egingo dugu. Horrela egin dugu posible den guztia eginez inpunitatea eta prepotentziak 15 lanpostu suntsi ez ditzaten.

LABek gozogintza atalean dauden langile guztien berehalako subrogazioa eskatzen du eta negoziazio unitate bakarra egin dadila, Arriaundi S.L.k izan ditzakeen arazoez benetan hitz egin ahal dezagun balizko konponbideak bilatu ahal izateko. 
Aste honetan egingo diren mobilizazioetan parte hartzeko deia egiten dugu. Bihar osteguna, abuztuaren 28an, mobilizazioa egingo dugu 12:00etatik 13:00etara Durangoko Andra Mari elizan. 

Durangon, 2014ko abuztuaren 27an
 

 

 

AZKEN ALBISTEAK | ÚLTIMAS NOTICIAS

67 urte betetzear zituen garraiolari bat hil da Irunen

LABek jakin duenez, herenegun, goizaldeko 6:30ean, TRANSDIPE S.L. enpresako S.S. garraiolaria hilik agertu zen Irunen, lanerako prestatzen ari zen kamioiaren aldamenean. Kamioia martxan zegoen, atea irekita eta zantzu guztien arabera, heriotza ez traumatiko baten aurrean gaude. Azken honekin, gutxienez 20 langile hil dira urte hasieratik Euskal Herrian, hauetariko 9 garraiolariak.

Pribatizatutako zaintzako langileak mobilizazio nazionalera deitu ditu LABek, haien izaera publikoa aldarrikatzeko

Langile horiek zerbitzu publiko bat eskaintzen duten heinean, administrazioaren zuzeneko langile izan behar dutela defendatuko du LABek Donostian, eta, norabide horretan, lan baldintzen ekiparazioa aldarrikatuko du.

LABek CENi exijitu dio bertan behera utz dezan lan osasunaren prebentzioaren ardura langileei egozten dien kanpaina, diru publikoarekin ordaindu dutena

LAB sindikatuak arriskutsutzat, iraingarritzat eta mingarritzat jo du CENeko enpresariek diru publikoa erabiltzea (60.000 euro) modu seguruan lan egitea langilearen esku dagoela sinetsarazi nahi duten ideiak zabaltzen dituen kanpaina egiteko. Enpresarien kanpainak prebentzioaren berezko printzipioen aurka egiten du, eta enpresariek arlo horretan dituzten legezko betebeharrak hankaz gora jartzen ditu. Nafarroako lan heriotzen agertoki tragiko honetan, prebentzio legea ez betetzeko orduan erakusten duen lotsagabekeriaren bertze erakusgarri bat da kanpaina.