Dagoeneko 29 dira Euskal Herrian aurten hildako langileak.
Atzo eguerdian Getxoko jaialdi baterako prestaketa lanetan langile bat hil zen (zabaldutako datuen arabera Andorrakoa omen da hildako behargina). Atzoko heriotz istripuarekin Euskal Herrian dagoeneko 2014ean 29 langile dira lanean hil direnak.
Getxon gertatu den kasuak azpikontrazio bat izan daitekeela pentsatzera eramaten gaitu, eta horrela balitz, administrazioak lituzke ardurak, orain gutxi Leioan EHUn gertatu zen antzera. Azpikontratazio egoerek horrelako egoera larriak dakartzate, larriagoa dena, egoera horren arduraduna administrazio publikoa denean. LAB sindikatutik istripua eragin duten gertaerak eta horien erantzukizunak lehenbailehen argitzea eskatzen dugu.
Gehiengo sindikalak deituta ostegun honetan, hilak 28, Getxoko Ajedrez plazan goizeko 11.00etan heriotz istripu hau salatzeko mobilizazioa egingo da. LABek bertan parte hartzera deitzen du.