Aurten (2015) bukatu beharko luke hirugarren adinekoei eta dependentziari arreta zerbitzuen langileen ahalmenen errekonozimendu prozesua, hots, eskarmentuaren bitartez lorturiko zertifikazioaren prozesua, alegia. Hau Dependentzia legeagatik eta ondoriozko hainbat dekretuengatik inposatua izan zaigu langileoi, eta sekulako txapuza dela esan dezakegu.

Nafar Gobernuak eta Eusko Jaurlaritzak, Gaitasuna Ebaluatzeko Euskal Agentziaren bitartez, hainbat esparru profesionaletan esperientzia baloratzeko agindua eman bazuten ere, oztopoz jositako lasterketa izaten ari da langileontzako.

Gehienok, emakumeok, eskarmentu zabala badugu ere (askotan 20 urtetik gorakoa), ez dugu titulorik ateratzeko aukerarik izan, baina hamaika formakuntza ikastarotan parte-hartu dugu, eta orain, badakigu, sarritan ez dutela ezertarako balio izan.

Hauexek dira xedapenaren faseak: inskripzioa, aholkularitza, ebaluazioa eta jadanik eskuratuta dituzten gaitasunak aitortza, bai homologatutako kurtsoen bitartez, bai eta frogen gainditzearen biartez ere. Langileok geure denbora eta dirua (sarritan dirutza) inbertitu behar izan dugu, guk geuk ordainduz bidaiak, tasak, kurtsoak eta lan-orduak. Gainera, tamalez, asko izan dira 1800 € baino gehiagoko kurtsoak ordaindu dituztenak, Profesionaltasun Zertifikatua lortuko zutelakoan. Izan ere, prozesu honetan, Nafar eta Euskal Gobernuek ez dituzten langile adina kurtso eskeini, eta ondorioz, prozesuaz kanpo geratu diren langileak asko dira. Beste askok, bide pribatua aukeratu zutenek, ez dute titulorik eskuratu homologatu gabekoak zirelako.

Hauxe izan da kaosaren azken ginga, sektore prekarizatu honek behar zuen azken brotxea; jubilazioan pentsatu beharrean, karrera profesionalean pentsatzen egon behar, eta gainera, alde batera utziz sektore hauetako milaka emakumeon iritziak. Esaterako, askori, aurten atera beharreko zeozer dela esan zaie behin eta berriz, baina 2015eko bukaera akreditatuak egon behar dutela da egi bakarra. Edo adibidez, ebaluatzaileek erabilitako irizpideak ez dira batere homogeneoak izan. Fase guztiak zehaztu gabeko ziurgabetasunean eman dira, deskoordinazioz eta akatsez beteriko prozesua izanik, eta hau guztia langileok ordaindu dugu, guk epe guztiak bete behar izan ditugularik. Bitartean, zenbait sindikatuk etenkin ateratzen homologatu bariko kurtsoak eskeiniz.

Oso gutxi dira gaur egun, inposaturiko epemuga kontutan harturik, tituloa atera dutenak. Horregatik, LABek, eskumena duten administrazio publikoei (Nafar Gobernua eta Eusko Jaurlaritza) uda baino lehen xedapenaren analizi eta balorazioa egiteko dei egiten die. Horrela, langile afektatu moduan, honakoa EXIJITZEN dugu:

1.- Pertsona Dependienteei Arretarako Zertifikazioa, bai etxekoa zein instituzioetakoa, Laneko esperientziaren bitartez eta/edo ikaskuntza formalen edo ez formalen bidez pertsonek eskuratzea, inolakoa kosterik gabe langilearentzako.

2.- Uztailaren 17ko 1224/2009 Errege Dekretuaren 10.artikuluaren aginduz, eskarmentuan oinarrituriko gaitasun profesionalaren errekonozimendu prozesuan langile guztiek parte-hartu ahal izatea, horretarako beharrezkoak diren bezain beste deialdi publiko eskeiniz.

3.- Gaitasun profesionalen akreditazioaren dialdi horien baitan, gaitasunen bat frogatu barik balego, Nafar eta Euskal Gobernuek formakuntza kurtsoak eskeini behar dituzte, doainik eta langile guztientzako nahikoak izanik.