2026-11-17
HomeIndustriaMetalgintzaLABek Alfa Taldean oraindik ere boteretsuenen interesak lehenesten direla salatu du

LABek Alfa Taldean oraindik ere boteretsuenen interesak lehenesten direla salatu du

Abenduaren 23an, ALFA TALDEko zuzendaritzak hartzekodunen konbenioa sinatu zuen Donostiko Merkatal epaitegian. LAB sindikatuko delegatuak bertan izan ziren hitzarmen hori langileei oso garesti atera zaiela salatzeko.

LAB sindikatuaren irakurketa ALFA Taldeko zuzendaritzak sinatutako hartzekodunen hitzarmenaren gainean

1. ALFA TALDEan 100 lanpostu baino gehiago suntsitu dira.
2. Langillei soldata jeitsiera bat inposatu zaie eta lan baldintzen zigortze nabarmen bat suposatu du.
3. Lehen ALFA TALDEko langileak zeuden lekuan, behin kaleratzeak gauzatu eta gero, langile subkontratatuak jarri dituzte, lan berbera egiten eta soldata mixerable batzuen truke.

Berriro ere, konkurtsoaren prozeduran, boteretsuenen interesak lehenetsi dira langileen eskubideen gainetik. Hau da, banketxeak eta ALFA TALDEko zuzendaritzaren pribilejioak lehenetsi dira langileon eskubideen gainetik.

Eusko Jaurlaritzak, azken urteotan ALFA TALDEko enpresei dirulaguntzak eman badie ere ( guztion dirutik, noski), arazoaren aurrean beste alde batetara begiratu du eta ez du ezertxo ere egin lanpostuak eta lan baldintzak defendatzeko.

Beste alde batetik. Administrazio Konkurtsalak jokatutako paperaz ere, gauza berbera esan dezakegu: enpresako zuzendaritzaren interesak eta banketxeenak defendatu dituzte. Gainera, konkurtsoan egindako lanaren ordainetan, 1 milloi euro baino gehiago poltsikoratu dituzte.

ALFA TALDEa egoera tamalgarri honetara eraman duen zuzendaritza berberak kudeatuko du aurrerantzean ere enpresa taldea, jazarpen sindikala eguneroko ogia bilakatu duen zuzendaritza horretxek,alegia.

LAB sindikatutik, argi eta garbi esan nahi dugu, langileontzat ez dagoela inolako “erreskaterik”, ta ezta ere inolako laguntzarik administrazio publikoen partetik. LAB sindikatuko partaideok, lanpostuen eta lan baldintzen aldeko borrokan jarraituko dugu, horixe izango baita gure “erreskate” bakarra.
 

LAB sarean
{module[111]}

AZKEN ALBISTEAK | ÚLTIMAS NOTICIAS

Beste mobilizazio egun bat Osakidetzan

Mahai Sektorialean aurrerapauso nahikorik ez dagoenez, LAB, SATSE, ELA, CCOO eta UGT sindikatuok elkarretaratzeak deitu ditugu gaur lan zentro guztietan: 11:00etan ospitaleetan eta 13:00etan Lehen Mailako Arretan.

Ikuskizun eta ekitaldien sektoreak beste bi greba egun iragarri ditu Hego Euskal Herrian, azaroaren 26an eta 27an

LABek, ikuskizun eta ekitaldien sektorean Nafarroan ordezkaritzaren %100 duen sindikatuak, EAEko beste sindikatuekin batera (Teknikariok, ESK, ELA CCOO, UGT eta CNT) bi greba egun berri deitu ditu negoziazioak desblokeatzea eta sektoreko lehen hitzarmen kolektiboa sinatzea eskatzeko. Deialdi bateratuak bi lurraldeetan partekatzen den aldarrikapen bati erantzuten dio: prekarizatutako sektore baten erregulaziorantz aurrera egitea.

Mobilizaziorako deia egin dugu, Bizkaiko Esku-hartze Sozialeko hitzarmenaren negoziazioa blokeatuta dagoelako

Hamar hilabete baino gehiagoko negoziazioaren ostean, LAB, ELA eta ESK sindikatuok aurrerapausorik ez dagoela salatu dugu, eta abenduan bi elkarretaratze eta 2027an balizko grebak iragarri ditugu, Gizardatz patronalak aldarrikapenak aintzat hartzen ez baditu.