Gaur Legebiltzarrean osoko bilkura eta irakasleen mahai sektoriala deitua izan dela eta, Legebiltzarraren atarian bildu dira irakasleak urtarrilean hasitako greba eta mobilizazio zikloa bukatzeko benetako negoziazioa eskatzeko.
Bederatzi greba egunen ondotik eta hamaika mobilizazioren ostean, apirilaren 10ean Hurrengo aste osorako greba deialdia iragarri zuten %90eko ordezkaritza duten LAB, STEILAS, ELA eta CCOO sindikatuek. Sindikatuek negoziatzeko prestasuna adierazi arren, Hezkuntza sailak gaur arratsalderako deitu duen mahaian aurkeztuko duen proposamen berria ezagutu gabe jarraitzen dutela azpimarratu dute. Izan ere, eskatutako eduki, zehaztapen eta bermeak proposamenean jasoko diren ezagutu gabe eta deialdiaren berri prentsa bidez jakin dutela salatu dute, hilabete egon baita hezkuntza saila sindikatuekin harremanik izan gabe.
Argi dute aurreko grebetako jarraipenak, mobilizazio arrakastatsuek, greba deialdi berriak eta hezkuntza komunitateari luzatutako deiak eragina izan dutela negoziazio deialdi berri honetan.
Egindako grebetan langileek argi eta garbi adierazi dute hitzarmena orain eta hemen negoziatzeko beharra, eta sindikatuen aldetik, erabateko prestasuna izan dute beraiekin biltzeko. Gaurkoan hitzetatik negoziazioetara pasatzea espero dute.
Greba ziklo honetan aldarrikapen zehatzak igorri dizkiete sindikatu eta langileek Hezkuntza Sailari: gero eta handiagoak diren lan-zamak arintzeko neurri zehatzak adostea, erretiroa hartzeko baldintzak hobetu eta plantillen gazteberritze plana garatzea, galdutako erosahalmena berreskuratzea, eta jaiotze-tasa aitzaki hartuta aldebakarrez erabakitzen ari diren ikastetxe publikoen fusio eta itxieren aurrean enplegu publikoa bermatu eta lanpostuak egonkortzea. Era berean, hezkuntza publikoko sistema osoa euskaldunduko duen hezkuntza politikak abiaraztea, lan-osasuna zaintzea, kalitatezko berdintasun eta hezkidetza plan egonkorrak garatu ahal izateko, baliabide pertsonalak eta hauetarako beharrezkoak diren formakuntzak ezartzea, eta azken urteetan inposatutako atzerapausoak kentzea eskatu dute behin eta berriz sindikatuek eta langileek.
Era berean, eskertu nahi dute orain arte eta ostiral arratsalderako familia eta ikasleek antolatutako mobilizazioak, baita sindikatuek adostutako manifestuari atxikimendua eman izana ere. Milaka dira jaso dituzten norbanakoen sinadurak eta hamarnaka eragileenak. Guztiek
aldarrikapenak babestu eta larunbaterako deitu duten manifestazioan bat egingo dute EAEko hiru hiriburuetan. Donostian, arratsaldeko 17:00etan, eta Bilbo eta Gasteizen 18:00etan.
Hezkuntza publikoa indartzeko ezinbestekoa da inbertsioa handitzea, lan baldintzak hobetzea eta eskola publikoa baliabidez hornitzea.
Orain arte 3.000 lagunek baino gehiagok sinatu dute manifestua eta eragile hauek:
Aiaraldeko Hezkuntza Publikoa Bizirik!
Aintzira Familien Elkartea
Aita Iparragirre herri eskolako Guraso Elkartea
Aita Iparragirre HLHI (Idiazabal)
Aitor Ikastola
ALBIZ Guraso Elkartea
Alkizako Herri Eskola
Allende Salazar eskolako Guraso Elkartea
Altzoan Zaintza Sarea elkartea (Arrigorriaga)
Antonio Lopez de Guereñu eskola
Arteako Guraso Elkartea
Atxondo HLHI
Ballonti BHI
Barakaldoko Grebalariak
Barakaldoko grebalarien batzordea
Barakaldoko Hezkuntza Bilgunean BHB
Basartea Guraso Elkartea-Ramon Bajo HLHI
eskolako
Berango-Merana IGE-AMPA
Berri-Otxoak (Barakaldo)
Berrioiz guraso elkartea
Berriz BHI
Bertsopilota Kirol eta kantu elkartea
Besopean Guraso elkartea (Zaratamo)
Bizi Txoriherri
Bizkarreta Guraso Elkartea (Unamunzaga eskola)
Bolatoki Kultur Elkartea
Downaraba
ELAK-PCTE
Elorrio Eskola Publikoa
Elorrioko Eskola Publikoko Guraso Elkartea
EPA Zalla HHI
ESK Sindikatua
Euskal Eskola Publikoaz Harro Topagunea
Feministalde
Fleming Herri eskolako zuzendaritza
FP Barakaldo LH grebalarien batzordea
Fray A. Urdaneta Ikastetxea
Gasteizko Euskal Eskola Publikoaz Harro Plataforma
Gasteizko IRALE
Gerrarik Ez Euskal Herria
Gorbea Guraso Elkartea
Harri Berri-Oleta ikastetxeko klaustroa
Heriotza Haurrekin
Herria Kultur Elkartea
Hezikuntza Guraso Elkartea (Lezo)
Ibai Ikastola Guraso Elkartea
Ibarrekolanda BHI
IGE Laudio institutua
Ikama Bilbo
Ikama Ibarreko
Ikama Ikasle Antolakundea
Ikas-Bide Ikastola HLHI
kaztegietako herri eskola
Izartegia IGE (Ganivet)
Jaikin IGE Ruperto Medina Guraso Elkartea
(Portugalete)
KAIXO Karmelo Ikastolako Gurasoen Elkartea
Kakitzat (Koordinadoraka Antimilitarista)
Kardala LHII
Karmelo Etxegarai ikastola
Karmelo Ikastola IPI
Katiluzar Guraso Elkartea
Kaxkagor kultur elkartea
Kaxkardi K.E.E.
Koloretxe
La Escontrilla Eskolako Guraso Elkartea
Lanbide Heziketa Defendatzen
Landazuri HLHI
Larrea Eskola
Larrea HLHI (Amorebieta)
Leku Eder familia elkartea (Gasteiz)
Lezo Herri Eskola
LH/FP Barakaldoko grebalarien batzordea
Lizartzako Herri Eskola
Lopez de Gereñu
Mariturri Guraso Elkartea
Mendekoa IFE-AFA Mukusuluba
Mendialdea IPI (Kanpezu)
Olaberriko Herri Eskola
OMAL-Paz con Dignidad
Oroko Andra Mari HLHI
Plentzia Eskola
ROCK KAM BROOM!!! (musika taldea)
Salbuberri guraso elkartea- Salburua BHI
Salburua HLHI Ikastetxea
SAN GABRIEL BIGE Guraso Elkartea
SOS Aiaraldea – Aiaraldeko Greba Batzordea
Talaia Eskola Hondarribia
Toki eder eskola
Txinparta Feminista Konpartsa
Txurdinaga eskola HLHI
Urdanetarrak Ordiziako Euskal Eskola Publikoko
Gurasoen Elkartea
Urkipe Herri Eskola
Urrunagako Administrazio Batzarra
Urrundi Kultur Elkartea
Zabalgana BHIko Mendibea Guraso Elkartea
Zadorra Etxea
Zamudioko eskola
Zeberioko Zubialde eskola
Zornotzako Larrea Eskolako Ikasleen Guraso
Elkartea
Zornotzako Talde Feminista