2024-02-28
HomeZerbitzu PublikoakUdal eta Foru AdministrazioaLAB sindikatuak bukatutzat eman du EUDELekin negoziazioa

LAB sindikatuak bukatutzat eman du EUDELekin negoziazioa

LAB sindikatuaren iritziz, EUDELekiko negoziazio bidea antzua da, ez delako benetako negoziaziorik onartzen, baizik eta, negoziazio mahaiak lege espainiarra nola beteko duten ezagutarazteko baino ez du balio. Ondorioz, LABek gobernuan dagoen Batzorde Eragilea norabideaz aldatu arte EUDELeko negoziazio mahaia uztea erabaki du.

EUDELek Gobernu espainiarraren 20/2012 Errege Dekretuaren murrizketak aplikatuko ditu
LAB sindikatuak bukatutzat eman du EUDELekin negoziazioa

«Gaur, hilak 28, EUDELeko Negoziazio Mahaia batzartu da, alde instituzionalaren ekimenaz, 20/2012 Errege Dekretuaren azterketa gai bakarra izanik.

EAJ, PSE-PSOE eta PP alderdiek osatzen duten Batzorde Eragilearen ordezkariek 20/2012 Errege Dekretuak ezartzen dituen murrizketak aplikatuko dituztela esan dute, neurriok, legez, derrigorrez bete behar direlako eta ondorioz eurek men egingo dute. Aipatutako Errege Dekretuak, murrizketa sozial larriak ezartzeaz gain (langabeziaren prestazioa eta menpeko pertsonen eskubideak murrizketa, BEZaren igoera, merkataritza ordutegien liberalizazioa…), langile publikoen lan-baldintzak okertzen ditu (abenduko aparteko paga kentzea, oporrak eta baimenak gutxitzea, gaixotasunegatiko bajen kasuan prestazio ekonomikoak jaistea, zenbait eskubide sindikal ezabatzea…), negoziazio kolektiboa, eta udal eta foru sektorearen UDALHITZ hitzarmena, gogor erasotuz.

EUDELeko Batzorde Eragileak udalei lege espainiarra betetzea aholkatuko die, lege-dekretuaren interpretaziorik makurrena eginez, euskal instituzioen eskuduntzei bizkar emanez eta langile publikoen eskubideen murrizketarekin bat eginez.

Gauzak horrela, LAB sindikatuaren iritziz, EUDELekiko negoziazio bidea antzua da, ez delako benetako negoziaziorik onartzen, baizik eta, negoziazio mahaiak lege espainiarra nola beteko duten ezagutarazteko baino ez du balio. Ondorioz, LABek utzi egingo du EUDELeko negoziazio mahaia, gobernuan dagoen Batzorde Eragilea norabideaz aldatu arte.

Are gehiago, LABek gogor salatzen ditu Batzorde Eragilea osatzen duten PNV, PSE-PSOE eta PP alderdiak, murrizketak ez onartzeko eta Madrileko neurrien aurrean planto egiteko irailaren 26ko grebaren bitartez euskal gizartearen gehiengoaren aldarrikapenari muzin egin diotelako. Beraz, langileoi dagokigu, udal bakoitzean baina modu kolektiboan neurrien aplikazioari aurre egitea, mobilizazioa eta borrokaren bitartez.

Eraldaketa sozio-ekonomikoaren eta politikoaren bidean instituzioek LAB bidelagun izango gaituzte, baina murrizketen aplikazioan eta Espainiarekiko menpekotasun jarreretan aurrez aurre.

Euskal Herrian, 2012ko irailaren 28an»

AZKEN ALBISTEAK | ÚLTIMAS NOTICIAS

Eraso judizialen aurrean, euskaraz lan egin eta bizitzeko eskubidearen aldeko mobilizazioetan parte hartzera dei egiten dugu

Botere judizialak euskararen aurka egiten dituen erasoek ez dute etenik. Azken egunotan, Bizkaiko Foru Aldundiaren enplegu publikorako hautaketa-prozeduren aurkako bi epairen berri izan dugu. Deialdi horiei lotutako hizkuntza-eskakizunen betekizuna da zalantzan jartzen dena. Diskriminatzailetzat jotzen da euskara eskatzea, enplegu publikoak baldintza berdinetan eskuratzeko oinarrizko eskubidea urratzen duela argudiatuta. Sententzia zentzugabekeria juridiko izugarria da, inolako oinarri juridikorik gabe euskararen normalizazioaren aurka egitea du helburu bakarra.

Amazonen ereduak dakarrena salatu dugu BECen, greba egunen bezperan

Paketatze, banaketa eta garraio ereduak dituzte hizpide gaur eta bihar bitartean BECen, Barakaldon. Robotizazio, digitalizazio eta automatizazioak sortzen duen lan-eredua definitzen ari dira eta badugu eredu horretan adierazlea den ezaguna: Amazon multinazionala. Lan eredu berriak indarrez inposatu eta edozein hobekuntza negoziatzera uko egiten dion enpresa.

Osakidetzako zuzendaritzak ez du bermatzen EAGak irekita izatea oinarrizko plantillarekin

Atzo sindikatuetako ordezkariak, langileak eta herritarrak bildu ginen, EAGetan bizi dugun egoera salatzeko.