2024-02-26
HomeEkintza SozialaPolitika publikoakLAB sindikatuak bere Enplegu Proposamena aurkeztu du Parlamentuan

LAB sindikatuak bere Enplegu Proposamena aurkeztu du Parlamentuan


LAB sindikatuko enplegu politikako idazkari Oihan Ostolazak agerraldia egin zuen Gasteizko Legebiltzarreko enplegu batzordean, sindikatuak berak eskatuta, LABen enplegu proposamena aurkezteko. Proposamen horrek jasotzen dituen neurriak eta abian jarriko balitz izango lukeen eragina azaldu zuen Ostolazak.

LABen enplegu proposamenaren aurkezpena Gasteizko Legebiltzarrean

Guk egin ditugun kalkuluen arabera, eta beti ere jakinik estimazio batzuk direla, enplegu proposamen honetan jasotako neurriak aplikatuz gero 67.869 lanpostu sortzeko aukera egongo litzateke Euskal Autonomia Erkidegoan. Kontutan hartu behar da EPAren azken datuen arabera 164.700 langabetu daudela Euskal Autonomia Erkidegoan.

• 35 orduko lanastea ezarriz 42.116 lanpostu sortuko lirateke.
• Aparteko orduak ezabatuz 5.753.
• Jubilazio adina 65 urtetan mantenduz 12.000.
• Gaur egungo aurrejubilazio sistema mantenduz 3.000.
• Zerbitzu publikoak garatuz 5.000. Zerbitzu publikoak garatu diogunean krisiaren aitzakipean eman diren murrizketen ondorioz galdutako enpleguak berreskuratzea (batez ere hezkuntzan eta osasungintzan) eta behar adinako garapena ez duten azpisektoretan (gizarte zerbitzuak, 3. adina, lehen harrera, …) enplegu berriak sortzea proposatzen dugu.

Enplegu hauen sorrerak 1.805 milioi €tako kostua izango luke. Hauek dira proposatzen ditugun finantza bideak:

• Iruzur fiskalaren %50 bilduz 900 milioi €.
• AHT eta beste makroproiektu batzuk geldiaraziz 400 milioi €.
• Erreforma fiskal baten bidez 867 milioi €.

Beraz, finantza bide hauen bidez guztira 2.167 milioi € lortzeko aukera egongo litzateke eta lehen aipaturiko 67.869 enpleguren sorrerak 1.805 milioi €tako kostua du.

Datu hauek erakusten dute borondate politikoa egonez gero kalitatezko enplegua sor daitekela, baina horretarako enpleguaren gaiak lehentasun politikoa izan behar du eta orain arte instituzio ezberdinetatik bultzatzen diren enplegu politikekin zerikusirik ez duen eta lanaren ikuspegi integrala izango duen bestelako enplegu politika berri bat garatu behar da.

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Osakidetza eta garbiketa enpresa esleipendunei eskatzen diegu uztailean sinatutako aurreakordioa bete dezatela

Joan den udan, Osakidetzak azpikontratatutako garbiketa-zerbitzuko langileek egindako borroka eredugarri eta duinaren ondoren, enpresa esleipendunak eta gehiengo sindikala aurreakordio batera iritsi ginen. Bertan, sektoreak hitzarmena berritzeko egin zituen aldarrikapen nagusiak jaso genituen: bertako langileen baldintzen homologazioa blindatzea, karrera profesionala eskuratzea, txanda-kontratua eskuratzea, bakanteen arautzea…

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.

Bizkaiko grafikagintzako patronalak atzerapauso gehiago dituen proposamena egin berri du

Otsailaren 22an, Bizkaiko grafikagintzako hitzarmeneko bederatzigarren negoziazio bilera egin da. Patronalak proposamen berri bat aurkeztu du, aurretik aurkeztutakoak baino baldintza txarragoekin honeko edukietan: iraunaldian, soldata igoeretan eta oporretan. Era berean, atzerapausoak mantentzen jarraitzen dute honako gaietan: lanaldiaren banaketa irregularrean, antzinatasuna, aldi baterako ezintasunen osagarriak, etab.