LAB Sindikatua Munduko Sindikatu Federazioak (MSF) Hegoafrikako Durban hirian ospatzen ari den 17. Kongresuan dago. Mundu mailako kongresu honen antolatzaileak Hegoafrikako COSATU eta MSFa dira. 5 kontinentetako eta 111 nazioetako 1.200 sindikatu ordezkari batu dira “Borroka, Internazionalismoa, Batasuna” lelopean egiten ari diren eztabaidetara. LABen ordezkaritza Nazioarteko harremanetako Gaizka Zuriarrain eta Koldo Saenz-ek osatzen dute.
MSFaren Kongresua Urriak 5ean hasi da Hegoafrikako presidentea den Jacob Zuma, COSATUko Idazkari Nagusia den Zwelinzina Vavi eta MSFko George Mavrikosen hitzekin.
Urriak 6ari hasiera Eric Mtsali, Hegoafrikako sindikalgintzako eta aparheidaren aurkako militante historikoaren eskutik izango da. Jarraian Txosten ekonomikoa aztertu eta ordezkarien partehartzearen ondoren hurrengo urteetarako MSFaren Idazkari Nagusia hautatua izango da..
Urriak 7an goizez eztabaidak eta partehartzeekin jarraituko da. Eta arratsaldean ondorioen eta erresoluzioen txanda izango da. Ondoren MSFaren PRESIDENTZI KONTSEILUA eta BATZORDE EKONOMIKOA osatuko duten kideak aukeratuko dira.
Ekitaldi guztiei amaiera emateko Urriak 8an manifestazio batekin egingo da.
Presoen eskubideen aldarria Hego Afrikan egiten ari den MSFren 17. Kongresura eraman dugu
Presoen egoeraren salaketaren berri ematen ari gara MSFren Kongresuan. Horretarako Europarlamentariek eginiko txostena eta Sareren liburuxka parte hartzaile guztien eskura jarri ditugu.