2024-02-26
HomeEkintza SindikalaLAB herrialdeko negoziazio mahaietatik altxako da greba eguna pasa bitartean negoziazio kolektiborik...

LAB herrialdeko negoziazio mahaietatik altxako da greba eguna pasa bitartean negoziazio kolektiborik gabe utzi gaituztela salatzeko

Greba eguna pasa bitartean orain arte ezagutu dugun negoziazio kolektiboaren apurketa irudikatzeko eta negoziazio koelektiborik gabe utzi gaituztela salatzeko LAB sindikatua herrialdeko negoziazio mahaietatik altxako dela iragarri du.


Prentsaurrekoa LABen Igarako egoitzan
LABek negoziazio mahaiak borroka esparru moduan ulertzen ditu eta greba ondoren langileek erakutsitako haserreari segida emanez, bueltatuko direla aipatu dute. Baina, LABeko ekintza sindikaleko buru den Garbiñe Aranburuk adierazi duen moduan, ”ez orain arte egiten duguna egiteko, ez blokeatua dagoen negoziazio esparru bati segida emateko edota patronalak nahi izango duen moduan erreformaren ondorioak bertara eramateko”.

“Negoziazio kolektiboko eredu propioa eraikitzeko proposamen berriekin bueltatuko” direla adierazi du Aranburuk. “Gure konbenioak blindatu egin behar dira, estatuko negoziazioaren aurrean eta baita enpresetako negoziazioan erreformak ezarritako arriskuen aurrean ere”.

LABek langileok dugun egoera berriaren aurrean kontzientzia hartzeko erabaki bat dela esan du eta beste sindikatuei ere dei egiten diela erreformaren aurrean alternatibak bilatzeko.

Euskal herriak espainiarekin alderatuz beste errealitate sozioekonomiko bat duela azpimarratu dute eta España markak gure ekonomia kaltetzen duela.

Hemen bertako errealitatean oinarritua izango den eztabaida propio bat irekitzearen beharra aldarrikatu du sindikatuak, Euskal Herrian “Beste eredu ekonomiko eta sozial bat behar dugu euskal langileok eta hori estatu espainolaren menpean egitea ezinezkoa da. Lan harremanetarako eta babes sozialerako euskal esparrua behar da” Aranbururen hitzetan.

AZKEN ALBISTEAK | ĂšLTIMAS NOTICIAS

Martxoaren 3ko ekintza bateratuak aurkeztu ditugu

Datorren igandean betetzen dira 48 urte martxoaren 3ko sarraskitik. Eta gaur, agerraldia egin dugu LAB, ELA, ESK eta STEILAS sindikatuok, Martxoak 3 elkartearekin batera, igandean egingo ditugun ekintzak aurkezteko. 12:00etan, ekitaldia egingo dugu Plazan, monolitoaren ondoran, eta 12:30ean, bertatik abiatuko da Gasteizko kaleak zeharkatuko dituen manifestazioa.

Osakidetza eta garbiketa enpresa esleipendunei eskatzen diegu uztailean sinatutako aurreakordioa bete dezatela

Joan den udan, Osakidetzak azpikontratatutako garbiketa-zerbitzuko langileek egindako borroka eredugarri eta duinaren ondoren, enpresa esleipendunak eta gehiengo sindikala aurreakordio batera iritsi ginen. Bertan, sektoreak hitzarmena berritzeko egin zituen aldarrikapen nagusiak jaso genituen: bertako langileen baldintzen homologazioa blindatzea, karrera profesionala eskuratzea, txanda-kontratua eskuratzea, bakanteen arautzea…

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.