2025-04-22
HomeMaiatzaren lehena 2012Krisiari irtenbide propio eta demokratikoa emateko, lotu borrokari!

Krisiari irtenbide propio eta demokratikoa emateko, lotu borrokari!

Euskal Herriko txoko guztietara iristeko asmoz aurtengo Maiatzaren Lehenari begira antolatutako mobilizazioak aurkeztu ditu gaur LAB sindikatuak.

Eskualdeka izango dira aurtengo manifestazioak, “ Gobernuetatik ezartzen ari diren neurri eta erabakiak pairatzen eta borrokatzen dituzten herritarrak bizi diren tokietan”, sindikatuko komunikazio idazkari Sonia Gonzálezek adierazi duenez. Maiatzaren Lehena oso testuinguru berezian dator, krisi ekonomiko bete-betean, astetik astera erabaki eta murrizketa berriak inposatzen ari zaizkigunean; azkenak, egunotan, osasungintzan eta hezkuntzan. 

“Madrilgo Gobernuan hartzen ari diren erabakiak eta finkatzen ari diren politikak hemen aplikatzea suizidio politiko, ekonomiko eta sozial bat da” ohartarazi du Ainhoa Etxaide idazkari nagusiak. Horregatik, greba orokor arrakastatsuaren ostean, aktibaziorako Maiatzaren Lehena izango da honakoa, “erreforma salaketatik haratago, aplikatzen ari diren politika guztien kontra langileok erabaki behar dugulako, Euskal Herriak erabaki behar duelako, krisiari irtenbide propia Euskal Herrian bertan emateko”. 

Etxaide eta Gonzálezen esanetan, “hartzen ari diren erabakiak politikoak dira, ez ekonomikoak; gezurra da politika hauek direnik egin daitezkeen bakarra, ez da egia Gobernuak derrigortuak daudenik eta are gutxiago horrela krisitik noizbait aterako garenik.” LABeko idazkari nagusiak nabarmendu du Greba Orokorrarekin berriro ere argi geratu dela “euskal langileok, euskal jendeartearen gehiengo handi batek ez dugula inposaketaren bidea onartzen” . Krisiari irtenbide “propio eta demokratikoa” emateko akordioak eraikitzeko garaia da. Irtenbide horren abiapuntua gutxieneko kontsentsu politiko batean jartzen du sindikatuak.

AZKEN ALBISTEAK | ÚLTIMAS NOTICIAS

Enviserreko langileek greba gogortu dute, protestaren hirugarren astean

Hiriko parkeak, lorategiak eta eraztun berdea mantentzeko Gasteizko Udalaren kontrata den Enviser enpresako langileek hiru aste bete dituzte greban. Baldintza duinak jasoko dituen hitzarmen propio bat lortzea da beren helburua. Hainbat langilek Gasteizko udaletxearen aurrean pasa dute gaua, azken honen inplikazioa eskatzeko.

LABek ontzat jo du Iruñeko Udalaren eta alokairuzko bizikleten enpresaren artean sinaturiko akordioari esker langileei zor zitzaizkien soldatak ordaintzea

LAB sindikatuak duela bi aste salatu zuen Ride On Pamplona Iruñeko alokairuko bizikleta elektrikoen zerbitzuko langileak egoera larrian zeudela, sei hilabete baitzeramatzaten nominak berandu kobratzen eta, gainera, enpresak bi nomina oso zor baitzizkien. Iruñeko Udalak eta Ride On-ek gaur iragarri duten akordioaren arabera badirudi zerbitzuaren jarraipena bermatuko dutela eta enpresak berehala kitatuko dituela langileekin dituen zorrak.