2025-02-09
HomeIdazkaritzakEuskara IdazkaritzaJoxan Lizarribar, euskalgintza eta kulturgintzako erreferentzia garrantzitsu bat

Joxan Lizarribar, euskalgintza eta kulturgintzako erreferentzia garrantzitsu bat

Joxan Lizarribar hil da, eta bere heriotzarekin, euskalgintzako, kulturgintzako erreferentzia garrantzitsu bat galdu dugu. Euskal kulturaren alde, euskararen alde, finean, Euskal Herriaren alde bizitza osoan egindako lanagatik ezaguna zen Lizarribar. 1970eko hamarkadatik izan zuen euskal kulturarekin lotura. Euskaldunon Egunkariaren administrazio kontseiluko kide izan zen lehenik, eta ondoren, Berria Taldeko presidente. 

Euskararen herrian sinesten zuen Joxanek eta horren aldeko inurri lanetan ikusi dugu, urteak joan urteak etorri, euskalgitzaren, kulturgintzaren esparru zabal eta sarriegi malkartsuan. Berriro diogu, horregatik, euskalzaleontzat, euskaldun guztiontzat, geure herriko kultura maite dugunontzat galera izugarria dela. Euskaldunoi euskaraz lan egitea, ikastea, informatzea, komunikatzea… hitz bitan, euskaraz bizitzea ahalbideratzen digun lan erraldoia ez da gehienetan titular handietan islatzen, baina lan hori guztia, lan eskerga, egiten duten lagunak dira, hain zuzen ere, euren konpromisoarekin Euskal Herria eraikiz doazenak, eguneroko lanarekin euskal herri euskalduna posible dela erakusten dutenak.

Zailtasunen aurrean gizon konprometitua eta gure kulturaren defendatzaile sutsua. Ametsak helburu egin eta helburuak gauzatzeko urratsak emate horretan begitanduko dugu Joxan. 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Gizon batek emakume* bat erail du Irunen

LABetik bat egiten du Euskal Herriko Emakumeen* Mundu Martxak egindako irakurketarekin eta azken honek deitutako mobilizazioetan parte hartzeko deia egiten dugu.

LABek bat egiten du Nafarroako industriaren etorkizuna defendatzeko otsailaren 16rako deitu duten manifestazioarekin

Zortzi mila langile inguru ordezkatzen dituzten Industria arloko zazpi enpresa batzordek, beren lantegietan zein Nafarroa Garaiko ehun industrialean enplegua galtzeko dagoen arriskuaren aitzinean, otsailaren 16an Iruñean nafar industriaren geroaren alde manifestatzera deitu zuten atzo. LAB sindikatuak bat egiten du deialdi horrekin eta, bere aldetik, Nafarroako langileak deitzen ditu mobilizazio horretan masiboki parte har dezaten.

LABek adierazi du aniztasun funtzionaleko langileak langile publikoak direla eta sektorearen publifikazioa eskatu du

3.000 langile ari dira lanean Bizkaiko aniztasun funtzionalaren sektorean, Gorabide, Apnabi, Avifes, Gaude edo Fekoor bezalako enpresentzat. Horiek guztiek zerbitzu publikoa eskaintzen diete aniztasun funtzionala duten pertsonei. Zerbitzu horiek EAEko Gizarte Zerbitzuen Legean jasota daude, eta horien arduraduna Bizkaiko Foru Aldundia da. Gaur egun, zerbitzua erakunde pribatuek kudeatzen dute, Bizkaiko Aldundiarekin egindako hitzarmenen eta diru-laguntzen bidez.